Məşhur din xadimi görüntülü zənglərlə bağlı: "İslama görə düzgün deyil"

"Cübbəli Əhməd" kimi tanınan Ahmet Mahmut Ünlü gündəlik həyatda geniş istifadə olunan görüntülü zəng funksiyası ilə bağlı açıqlaması ilə diqqət çəkib.

Bu barədə Sonxeber.az xarici mediaya istinadla xəbər verir.

Ahmet Mahmut Ünlü bildirib ki, bir şəxsi əvvəlcədən icazə almadan görüntülü şəkildə axtarmaq düzgün deyil. Onun sözlərinə görə, zəng etməzdən əvvəl qarşı tərəfdən icazə alınmalıdır.

Ünlü görüntülü zəng zamanı qarşı tərəfin həmin anda hansı şəraitdə olduğunu nəzərə almağın vacibliyini vurğulayıb. O, birbaşa görüntülü zəng etmək əvəzinə əvvəlcə mesaj yazılmasını və ya adi telefon danışığı vasitəsilə icazə istənilməsini tövsiyə edib.

"Heç kimə birdən-birə görüntülü zəng edilməz. Əvvəlcə insana ‘Görüntülü zəng edə bilərəmmi?’ deyə mesaj yazılır və ya telefon açılır. Qarşı tərəfin vəziyyəti həmin anda buna uyğun olmaya bilər", - deyə Ünlü bildirib.

CNN Türk kanalında Ahmet Hakanın qonağı olan Cübbəli Əhməd bu davranışı "ədəbsizlik" və "görgüsüzlük" kimi qiymətləndirib.

"Bunu çox edirlər. Təəssüf ki, bu, görgüsüzlükdür. İslama görə də caiz deyil", - deyə o qeyd edib.

Ünlü çıxışı zamanı müğənni Haluk Leventlə arasında baş vermiş bir telefon danışığından da bəhs edib.

Telegramda izləyin