Kirayə avtomobillə drift edən sürücüyə 140 min cərimə - VİDEO

İstanbulun Başakşehir rayonunda kirayə götürdüyü avtomobillə drift edən sürücü polis tərəfindən müəyyən edilərək cəzalandırılıb.

Sonxeber.az xarici mediaya istinadla xəbər verir ki, hadisə sentyabrın 6-da baş verib. 34 KOT 241 dövlət nömrə nişanlı avtomobilin drift etdiyi anlar lentə alınaraq sosial qrupa göndərilib. Görüntülərin polisə çatmasından sonra əməkdaşlar avtomobilin nömrəsi vasitəsilə onun kirayə olduğunu müəyyənləşdiriblər.

Araşdırma nəticəsində avtomobilin Gökmen T. tərəfindən icarəyə götürüldüyü məlum olub. Polisə çağırılan sürücü drift edən şəxsin özü olduğunu etiraf edib.

Gökmen T.-yə Türkiyənin Yol Hərəkəti haqqında Qanununun 67/1-D maddəsi əsasında 140 min lirə inzibati cərimə tətbiq olunub. Bundan əlavə, sürücülük vəsiqəsi 60 gün müddətinə əlindən alınıb.

Beləliklə, kirayə avtomobillə etdiyi drift sürücüyə 140 min lirə cərimə və iki aylıq sürücülük qadağası ilə nəticələnib.

Telegramda izləyin