Seysmologiya elminin inkişafına həsr olunan respublika elmi konfransı keçirilib

Oktyabrın 20-də "Azərbaycanda seysmologiya elminin inkişafı: proqnozlaşdırmadan akademik tədqiqatlaradək" mövzusunda respublika elmi konfransı keçirilib.

Sonxeber.az xəbər verir ki, konfransın açılışında AMEA-nın prezidenti, akademik İsa Həbibbəyli və AMEA nəzdində Respublika Seysmoloji Xidmət Mərkəzinin baş direktoru, AMEA-nın müxbir üzvü, professor Qurban Yetirmişli çıxış ediblər.

Tədbirdə güclü zəlzələlərin yaranma səbəbləri, Xəzər dənizinin dərin geoloji quruluşu və geodinamikası, seysmik təhlükənin qiymətləndirilməsi, zəlzələlərin tədqiqində süni intellektdən istifadə və seysmik hadisələrin proqnozlaşdırılması kimi mövzular müzakirə olunub.

Konfrans çərçivəsində, həmçinin seysmik tomoqrafiya, palçıq vulkanlarının aktivliyi, Azərbaycan ərazisində zəlzələ ocaqlarının dinamikası, mühəndisi-seysmik kəşfiyyat üsullarının tətbiqi və geokimyəvi tədqiqatlar əsasında zəlzələ xəbərverici elementlərin müəyyənləşdirilməsi istiqamətində məruzələr təqdim edilib.

Tədbirdə seysmologiya sahəsində aparılan elmi tədqiqatların nəticələri və zəlzələ təhlükəsinin öyrənilməsinə dair müxtəlif yanaşmalar diqqətə çatdırılıb.

Röyalə Xəyal

Telegramda izləyin