Saç şampunu seçərkən nələrə diqqət etməli? - DERMATOLOQDAN AÇIQLAMA

Saç şampunu seçərkən yalnız məhsulun markasına və qiymətinə deyil, onun tərkibinə və saçın xüsusiyyətlərinə də diqqət yetirmək vacibdir. Yanlış şampun seçimi saç dərisində quruluq, yağlanma və qıcıqlanma kimi problemlərə səbəb ola bilər.

Bəs saç tipinə uyğun şampunu necə seçmək lazımdır, məhsulun tərkibindəki hansı maddələrə diqqət yetirilməlidir və şampun alarkən hansı səhvlərdən çəkinmək lazımdır?

Mövzu ilə bağlı dermatoloq Elnarə Sultanova Sonxeber.az-a açıqlamasında bildirdi ki, saç şampunu seçərkən ilk növbədə saç dərisinin vəziyyəti və saçın xüsusiyyətləri nəzərə alınmalıdır. Yağlı saç dərisi üçün nəzərdə tutulan məhsullar quru saç dərisində narahatlığı artıra, uyğun olmayan tərkibli şampunlar isə qaşınma, qıcıqlanma və kəpəklənmə kimi problemləri ağırlaşdıra bilər.

Buna görə də şampun seçərkən məhsulun tərkibi diqqətlə yoxlanılmalı, saç tökülməsi, davamlı qaşınma və ya güclü kəpəklənmə müşahidə edildikdə isə dermatoloqa müraciət olunmalıdır.

Müəllif: İlkin Məmmədkərimov

Telegramda izləyin