Qonşu ölkədə bir ay ərzində üçüncü meymun çiçəyi xəstəliyi aşkarlandı

Moskvada 38 yaşlı kişi laboratoriya müayinələri nəticəsində meymunçiçəyi xəstəliyinə yoluxduğu təsdiqləndikdən sonra Domodedovo Mərkəzi Xəstəxanasına yerləşdirilib.

Sonxeber.az xəbər verir ki, xəstəxananın mətbuat xidmətindən verilən məlumata görə, bu, son bir ayda xəstəxanada aşkarlanan üçüncü xəstəlik hadisəsi və son iki ildə səkkizinci haldır.

Xəstə tipik simptomlarla - qızdırma, dəri səpgisi və böyümüş limfa düyünləri ilə qəbul edilib. Onun vəziyyəti qənaətbəxş kimi qiymətləndirilir. Rospotrebnadzor mütəxəssisləri infeksiyanın mənbəyini və onunla təmasda olan insanları müəyyən etmək üçün epidemioloji araşdırma aparırlar. Domodedovo Xəstəxanasının baş həkimi Andrey Osipov bildirib ki, digər xəstələr və tibb işçiləri üçün heç bir təhlükə yoxdur.

Telegramda izləyin