Məşhur ulduz qələbə sevincindən sonra özünü asdı -eşidənlər şokda +FOTO

ABŞ Milli Futbol Liqasının (NFL) ulduzlarından biri, "Nyu İnqlənd Petriots" klubunun sabiq ulduzu Aaron Hernandes həbsxana kamerasında intihar edib.

İnsident ABŞ-ın Massaçusets ştatındakı Şirli şəhərində yerləşən "Souza-Baranovski Korrekşnl Senter" məcburi reabilitasiya mərkəzində yaşanıb.

27 yaşlı Ernandes kameranın pəncərəsinə bağladığı mələfə ilə özünü asıb. Bundan əvvəl o, kameradakı əşyalar ilə qapını içəridən bağlayıb.

A.Ernandes ötən həftə məhkəmədə qalib gəlmişdi. İki qətldə suçlanmış məşhur idmançı ömürlük həbs cəzası almışdı. O, 2013-cü ildə Massaçusets ştatındakı Nord Ettlboro şəhərində Odin Lloydu öldürməkdə də suçlanmışdı. O.Lloyd idmançının nişanlısının kiçik bacısının sevgilisi idi.

2012-ci ilin iyun ayında gecə klubunun qarşısında Daniel de Abreunu və Safiro Furtadonu güllələməklə ittiham edilən A.Ernandes sübut yetərsizliyi səbəbindən iş üzrə bəraət almışdı.

Fəqət O.Lloydun qətlinə görə ona qarşı tətbiq olunmuş ömürlük həbs cəzası qüvvədə qalmışdı.

Florida Universitetinin amerikan futbolu komandasının sabiq kapitanı A.Ernandes srağagün vəkili ilə telefon danışığında "Artıq dözə bilmirəm: ömrümün sonunadək həbsxanada çürümək istəmirəm" söyləyibmiş.

2012-ci ildə "Nyu İnqlənd Petriots" klubu Aaronla 5 illik müqavilə imzalamışdı. Müqavilənin həcmi 40 milyon dollar idi./milli.az

Telegramda izləyin

instagramda izləyin