"Əmim oğlunun keçmiş arvadı ilə görüşürdüm" - BİABIRÇILIQ
Türkiyədə, Kayseridə bıçaqlanaraq öldürülən 85 yaşlı Sultan Tonun cinayət şübhəlisi olan nəvələri Mustafa və Hakan Ton ilk dəfə hakim qarşısına çıxarılıblar.
Şübhəlilər cinayəti günahı bir-birlərinin üzərinə atıblar.
Hakan Ton məhkəmədə ifadəsi zamanı "Mən nənəm Sultan Tonla birlikdə yaşayıram. Əmi oğlum Mustafa da o gecə evə gəldi. Axşam spirtli içki qəbul etdik, narkotik istifadə etdik. Mən, sərxoş olduğum üçün bir şey xatırlamıram. Ertəsi gün polis tərəfindən oyandırıldım. Nənəmi öldürdüyümü dedilər. Cinayəti əmi oğlum törədib", - deyib.
Digər şübhəli Mustafa Ton isə müdafiə çıxışında "Hakanın keçmiş həyat yoldaşı ilə aramda sevgi münasibətləri olduğu üçün əmim oğlu ilə aramızda düşmənçilik var idi. Sultan nənəmin evinə gedəndə Hakan da orada idi. Birlikdə içki və narkotik qəbul etdik. Bir müddət sonra yatdı. Bir ara oyandığımda gördüm ki, Hakan sol əli ilə nənəmin ağzını yumub, sağ əlindəki bıçaqla vururdu. Otaqdan çıxanda "intiqam belə alınar", deyib.
Həbsxanada eyni kamerada qalarkən Hakan cinayəti boynuma götürmək üçün məni təhdid edib əlimə qaynar su tökdü", - ifadələrini işlədib.
Sultan Tonun yaxınları isə iki əmi oğlunun da cəzalandırılmasını istəyiblər.
Məhkəmə təxirə salınıb.
Qeyd edək ki, hadisə, keçən ilin 17 oktyabrında səhərə yaxın baş vermişdi. Kahramanmaraşdan Kayseriyə işləmək üçün gələn 19 yaşlı Mustafa Ton əmisi oğlu 29 yaşlı Hakan Ton ilə evdə spirtli içki içib. Bir müddət sonra iki əmi oğlu, mətbəxdən götürdükləri bıçaqla naməlum səbəblərdən yaşlı qadını müxtəlif bədən nahiyyəsindən bıçaqlayıblar.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş