Son dəqiqə! "Dövlət qulluğu haqqında" qanunda mühüm dəyişiklik!

Milli Məclis "Dövlət qulluğu haqqında" Qanunda dəyişiklik edib.
Dəyişikliklər haqqında deputatlara Hüquq siyasəti və dövlət quruculuğu komitəsinin sədri Əli Hüseynli məlumat verib.
Komitə sədri deyib ki, qanuna təklif olunan dəyişikliklər Konstitusiyaya edilən dəyişikliklərlə bağlıdır:
"Konstitusiyaya edilən dəyişikliyə əsasın I vitse-president vəzifəsi təsis edilib. Hazırda hörmətli Mehriban xanım I vitse-prezident təyin edilib. Təbii ki, I vitse-prezidentin xidmətində olan dövlət qulluçularının statusu bu qanunla müəyyən ediləcək. Yəni, I vitse-prezidentin xidmətində olacaq inzibati vəzifələr, müşavirlər, köməkçi və digər strukturlarda çalışanların statusu "Dövlət qulluğu haqqında" qanunla müəyyən ediləcək. Qanun layihəsi Milli Məclisə prezident tərəfindən tövsiyə edilib. ".
Deputatlar "Dövlət qulluğu haqqında" Qanuna təklif olunan dəyişiklikləri dəstəkləyib.
***
Milli Məclisin gündəliyinə daxil edilən Azərbaycan Respublikasının Cinayət Məcəlləsində dəyişikliklər edilməsilə bağlı qanun layihəsi müzakirədən çıxarılıb.
Bunu Milli Məclisin sədri Oqtay Əsədov deyib. Spiker bildirib ki, sözügedən layihə ilə bağlı qanunvericilik təşəbbüsü irəli sürən qurum onu geri çəkib.
Daha sonra spiker təklif edib ki, gündəlikdən çıxarılan layihənin yerinə Əziz Seyidovun Ali Məhkəməyə hakim təyin edilməsi məsələsi salınsın.
Deputatlar gündəliyi bu şəkildə təsdiq ediblər.

Mənbə: publika.az

Telegramda izləyin

instagramda izləyin