Günün dəhşətli xəbəri/ Yanğında bir körpəsi can verdi: biri isə qarnında...

Biləsuvar rayon Mərkəzi Xəstəxanası yanğın zamanı 8 yaşlı uşağın ölümünə aydınlıq gətirib.

Xəstəxananın baş həkiminin müavini Zakir Xanmədov AzNews.az-a verilən məlumata görə, 8 yaşlı Ümid xəstəxanaya tamam yanmış halda gətirilib:

"Uşağın baş-göz, yuxarı ətrafları tamam yanmışdı. Alov ağ ciyərinə, tənəffüs yollarına qədər yerimişdi. Xəstəxanaya gətirilən kimi biz onu süni nəfəs aparatına qoşduq və Yanıq Mərkəzi ilə əlaqə saxladıq. Çox çalışdıq ki, uşağın həyatını xilas edək, amma bütün cəhdimiz boşa getdi."

Zakir Xanmədov yanğında xəsarət alan Gülnar Məmiyevanın səhhətinə də aydınlıq gətirib:

"Ana iki dəfə müayinə olunub. Onun əlləri və qolları yanıb. Özü də hamilədir. Bu səbəbdən diqqətimizdədir."

Biləsuvar şəhərində Natiq Aslanova məxsus evdə yanğın baş verib. Yanğın zamanı xəsarət alan 8 yaşlı Ümid Məmiyev xəstəxanada dünyasını dəyişib, anası Gülnar Məmiyevanın isə vəziyyəti orta-ağırdır.

Telegramda izləyin

instagramda izləyin