Azərbaycanda sakinlər "ayağa qalxdı" : Axı qaz niyə verilmir? - Açıqlama

Xətai rayonu Əhmədli qəsəbəsi, Məhəmməd Hadi küçəsində mavi yanacağın verilməsində yaranmış məhdudiyyət sakinləri ayağa qaldırdı.

Mavi yanacağın əhaliyə verilməsində yaranmış problemlə bağlı "Azəriqaz İB"-nin 104 və 185 qaynar xəttlərinə müraciət edilsə də sakinlərə heç bir məlumat verilməyib və onların problemi aradan qaldırılmayıb. Məsələ ilə bağlı adıçəkilən ərazidə yaşayan paytaxt sakinlər BiG.AZ redaksiyasına məktub ünvanlayıblar.

Onlar əhaliyə heç bir xəbərdarlıq edilmədən mavi yanacağın verilməsinin dayandırıldığını, qaynar xəttlərin isə onların zənglərinə cavab verilmədiyini iddia ediblər.

Sonxeber.az bildirir ki, bu barədə danışan "Azəriqaz" İstehsalat Birliyinin (İB) ictimaiyyətlə əlaqələr şöbəsinin rəisi İbrahim Kərbalayev bunun yalnış iddialar olduğunu, əhaliyə xəbərdarlıq edildikdən sonra qaz sızıntısının qarşısının qısa müddətdə alındığını bildirib: "22 iyun saat 13:00 radələrində, yeraltı ortatəzyiqli 325 diametrlik qaz xəttində qaz sızması baş vermişdi. Həmin ərazi isə Nəsrəddin Tusi və Məhəmməd Hadi küçələrinin kəsişməsində yerləşir.

Xəbərdarlıq edildikdən sonra biz daxildən qaz təchizatın dayandırdıq, yaranmış qaz sızıntısının qarşısı alındıqdan dərhal sonra, tərəfimizdən iş gününün sonuna qədər qaz təchizatı bərpa edilib. Əgər bir neçə ailədə axşam saatlarında təchizatda problem yaşanıbsa bu onların avadanlıqlarında olan daxili problemləri ola bilər. Bu barədə bizə müraciət etsinlər və biz dərhal yaranmış problemi aradan qaldıraq".

BiG.AZ

Telegramda izləyin

instagramda izləyin