Nazirliyin tikdirdiyi məktəbi inşa edən fəhlələrin maaşı ilə bağlı RƏSMİ AÇIQLAMA

Təhsil Nazirliyinin sifarişi ilə Ağdam rayonunun, Mirəşəlli kəndində 2 mərtəbəli, 800 kvadrat metr ölçüdə orta məktəb inşa olunub. Bu işin gerçəkləşdirilməsi "Bərpa" MMC tikinti şirkətinə tapşırılıb. MMC-də çalışan fəhlələr onlara tapşırılan işi yerinə yetiriblər, lakin gördükləri işə görə əmək haqlarını ala bilmirlər. Buna görə də məktəb tikintisində işləyən fəhlələr təhsil naziri Mikayıl Cabbarova müraciət ünvanlayıblar.

Məsələ ilə bağlı Ağdam Rayon Təhsil şöbəsinin kadrlar şöbəsinin müdiri İsmayıl Məmmədov Sonxeber.az- açıqlamasında bildirib ki, bizə fəhlələrə maaş veriməsi ilə bağlı heç kim maliyyə vəsaiti ödəməyib.

"Biz yalnız müəllimlərə maaş ödəyirik. Fəhlələrə maaş verilməsi ilə bağlı bizə tapşırıq verilməyib".

Sonxeber.az-ın məlumatına görə, Təhsil Nazirliyinin sifarişi ilə Ağdam rayonunun Mirəşəlli kəndində 2 mərtəbəli, 800 kvadrat metr ölçüdə orta məktəb inşa olunub.Lakin, Ağdam Rayon Təhsil Şöbəsi məktəbi inşa edən fəhlələrə maaşalrın onların səlahiyyətində olmadığını bildirib.

Qeyd edək ki, BakuPost.az-ın məlumatına görə, müəllifi Sabirabad rayonun Qarağac kənd sakini Əsgər Nizami oğlu Əsgərzadə yazır ki, 4 nəfər kənd sakini ilə Ağdam rayonuna beton-bərkitmə işləri görmək üçün gediblər. 2 ay müddətə məktəbdə beton işi görüblər.

"Gördüyümüz işin pulunu hissə-hissə verirdilər. İşi tamamlayıb təhvil verəndən sonra qalan pulumuzu ala bilmədik. Mənim və Ramin Zakir oğlu Süleymanovun bu günə kimi 6 aydır, 1650 manat pulumuzu iş icraçıları vermirlər.

Nə qədər zəng vursaq da 6 aydır bu gün-sabah salıb, 5 günə pulunuzu poçtla göndərəcəyik deyərək bizi aldadırlar. Məktəb tikilib təhvil veriləndən sonra pulumuzu konkret verməyəcəklər. Ola bilər bizi aldadanlar həmin məbləği çox cüzi pul sayırlar.

Amma biz əli qabarlı işçilər üçün ilin-günün bu vaxtında 1650 manat çox böyük puldur. Ona görə də təhsil naziri Mikayıl Cabbarovdan xahiş edirik 1650 manat zəhmət haqqımızın ödənilməsinə tapşırıq versin".

Aysel Kərimova

Telegramda izləyin

instagramda izləyin