Əməkdar artist Naibə Allahverdiyeva od püskürdü: "Kim deyir ki, mən dəlixanada yatmışam?"

Xəbər verdiyimiz kimi, ötən gün mətbuatda bəzi yerli məşhurların "Dəlixanada" yatma xəbəri yayılıb.

Siyahıda adı çəkilənlərdən biri də əməkdar artist Naibə Allahverdiyeva olub. Bununla bağlı Xanim.az-a açıqlama verən əməkdar artist əməlli-başlı özündən çıxıb:

"Kim deyir ki, mən ruhi dispanserdə yatmışam? Ümumiyyətlə bu xəbəri yazanın nə yazdığından xəbəri var?! Mən Günəşli Sanatoriyasında yatmışam. Əsəblərimlə və təzyiqimlə bağlı amma, bu o demək deyil ki, mən dəliyəm psixi problemim var. Ayıb deyil, özünü, həyatını bu sənətə qurban verən Rasim Balayev haqqında, mənim haqqımda belə xəbəri yayımlamaq?! Ar olsun elə insanlara! O sanatoriyada hər kəs yata bilər, hər kəs istirahət edə bilər. Axı biz aktyorlar, aktrisalar digər insanların rolunu oynayırıq. Başqa insanların həyatını yaşayırıq, ağlayırıq, əsəblərimiz pozulur. Amma nevroloji dispanserlə, sanatoriya arasında böyük fərq var. Teatrmızdan nə qədər insanlar var ki, sanatoriyada müalicə alır, istirahət edir. Əsəblərimiz gərgin olur, özümüzdən tez çıxırıq çünki, həssas insanıq. Amma, bizi ruhi xəstə kimi kimi millətə tanıtmaq nə dərəcədə düzgündür?! Mən bir dəfə psixoloqa getdim. Mənə psixoloq dedi ki, sən nevropotoloqa getməlisən. Sən heç bizə aid xəstə deyilsən. Əhalinin 60%-i əsəbdən, nevroliji xəstəlikdən əziyyət çəkir. İndi bizə necə sübut edə bilərlər ki, biz psixi xəstəyik və bizim qeydiyyatımız var? Birincisi səhiyyədə dəlixana sözü yoxdur, bu sözü yazmaq şərəfsilik və savadsızlıqdır. Ruhi dispanserdə yatan xəstələri təhqir etməyə, insanların şəxsi həyatına qarışmağa heç kimin ixtiyarı yoxdur. Onları məhkəməyə verib süründürmək lazımdır. "

Telegramda izləyin

instagramda izləyin