Tacikistan prezidenti ƏMR ELƏDİKİ EVLƏN

Tacikistanda kənd müəllimi işləyən Səidşo Əsrorov hələ bir ay bundan əvvəl evlənmək haqqında düşünmürdü. 23 yaşlı tarix müəlliminin sevdiyi xanım belə yox idi. Hər şey onun Tacikistan prezidenti Emomali Rəhmonla görüşündən sonra dəyişdi.

Sonxeber.az oxu.az-a istinadən xəbər verir ki, Rəhmon avqustun 16-da Boxtar rayonunun Zərgər qışlağına işgüzar səfərə gəlib. Fəallarla görüş zamanı Əsrorov mikrofona yaxınlaşıb və dövlət başçısını canlı görməkdən xoşbəxt olduğunu bildirib.

"Mən gənc müəllim olaraq özümü ən xoşbəxt insan kimi hiss edirəm, çünki sizin qarşınızda dayanıb, söz demək şərəfinə nail olmuşam", – deyə Əsrorov bildirib. Daha sonra o, Rəhmona həsr etdiyi şeirini oxuyub.

Tacikistan lideri şeirə qulaq asdıqdan sonra Səidşodan evli olub-olmadığını soruşub. Müəllim "xeyr" deyəndə isə Boxtar rayonunun administrasiyasına Səidşoya gənc xanım tapıb, tez bir zamanda evləndirmək tapşırığı verib.

Rayonun administrasiyası dərhal dövlət başçısının göstərişini yerinə yetirməyə başlayıb və Əsrorovu öz iş yoldaşının qızı, gənc tibb bacısı ilə nişanlayıblar.

Toy isə Əsrorovun prezidentin qarşısında çıxışından on gün sonra baş tutub.

Telegramda izləyin

instagramda izləyin