Dekabrın 13-dən sonra Azərbaycanda dollar bahalaşacaq? - CAVAB

ABŞ Federal Ehtiyat Sisteminin (FES) rəhbəri Canet Yellenin faiz dərəcələrinin artırılması prosesinin davam etdiriləcəyi ilə bağlı açıqlama verməsi dolların yenidən bahalaşacağı barədə fikirlərin yayılmasına səbəb olub.

FES-in iclası dekabrın 12-13-də keçiriləcək. FES rəhbərinin açıqlamasından sonra dünyada dolların məzənnəsi yüksəlməyə başlayıb.

"Dolların digər valyutalara nisbətdə bahalaşması müşahidə olunur. Eyni zamanda bu neftin qiymətinə də təsir göstərir. Dollar bahalaşanda neftin qiymətinin ucuzlaşması müşahidə olunur".

Bu sözləri Sonxeber.az-a açıqlamasında iqtisadçı-ekspert Samir Əliyev deyib.

Onun sözlərinə görə, hələ ki dünyada baş verən proseslər manatın məzənnəsinə ciddi təsir göstərə bilmir. Buna səbəb Dövlət Neft Fondunun (ARDNF) büdcə gəlirlərinin 1, 5 milyard olmasıdır. FED-in uçot dərəcəsini qaldırsa da Azərbaycanda növbəti devalvasiya olacağını demək olmaz. İlin sonuna qədər manatın sabit qalacağını düşünürəm. Noyabr, dekabr aylarında büdcə dəyişikliləri ilə bağlı manata müəyyən təzyiq ola bilər. Lakin bu vəziyyət devalvasiyaya gətirib çıxarmayacaq.

S.Əliyev bildirb ki, manat ucuzlaşarsa 1 dollar 1 manat 75 qəpik civarında ola bilər. FED uçot dərəcələrini qaldırsa belə Mərkəzi Bank əlində olan vəsaitdən istifadə edərəm qiyməti tənzimləyə biləcək. Çünki Azərbaycana xaricdən gətirilən mallar və qiymətlər artıq 1,90 səviyyəsinə uyğunlaşdırılıb. Bu baxımdan dollar 1 manat 75 qəpik olsa belə bu qiymətlərin bahalaşmasına təsir etməyəcək.

Aysel Kərimova

Telegramda izləyin

instagramda izləyin