Fədayə Laçın "Qoca" ləqəbli avtoritetlə taksidə olub? - Rəsmi açıqlama

Xəbər verdiyimiz kimi dünən qaçan məhbuslara yardım etməkdə şübhəli bilinən tanınmış müğənni Fədayə Laçın həbs edilib. Məmmədova Fədayə Baris qızı oktyabrın 23-də Bakı-Astara-Bakı qatarından qaçan məhbuslara yardım etməkdə təqsirləndirilir.

Yayılan məlumatlara görə, Fədayə Laçın qaçan məhbuslardan Etibar Məmmədovun yanında olub. Lakin qeyri-qanuni yolla ölkədən çıxmağa çalışan Fədayə Laçının taksi ilə qəsəbəyə gəlməsi ilə bağlı məlumatların şayiə olduğu bildirilir.

Məsələ ilə bağlı Baş Prokurorluğun mətbuat xidmətinin rəhbəri Eldar Sultanov Sonxeber.az-a açıqlamasında Fədayə Laçının taksidə olub–olmaması ilə bağlı gün ərzində rəsmi məlumatın veriləcəyini bildirib.

"Məsələ ilə bağlı Baş Prokurorluq tərəfindən gün ərzində rəsmi açıqlama veriləcək".

Qeyd edək ki, məhbusların qaçması faktı ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsində başlanan cinayət işi üzrə Fədayə Məmmədova təqsirləndirilən şəxs qismində cəlb olunaraq Nəsimi rayon məhkəməsinin qərarı ilə barəsində həbs qətimkan tədbiri seçilib.

Aysel

Telegramda izləyin

instagramda izləyin