Oğlanlarını öldürən gəlinə qayınana və qayınata sahib çıxdı - FOTO

Həyat yoldaşını bıçaqlayaraq öldürən qadına qayınanası və qaynatası sahib çıxıb.
Qadın Əli Hüyuk adlı ərini mübahisə zəminində öldürüb. Bu cinayətə görə isə məhkəmə Sevim adlı qadına 15 il həbs cəzası kəsib.

Oğlanın valideynləri "gəlinimiz bilərək və istəyərək etməyib, oğlumuz xəyanət edib və döydüyü üçün məcbur qalıb"- ifadəsini səsləndirərək, ondan şikayət etmədiklərini bildiriblər.

Hadisənin mənbəyinin xəyanətdən qaynaqlandığı bildirilir. Belə ki, Əli Hüyukun xəyanətini öyrəndikdən sonra Sevim Hüyukla münasibətləri gərginləşib. İkinci qadına ev tutan Əli Hüyukun gizli məşuqəsi xanımı Sevim Hüyuku bir neçə dəfə döyüb.

Uşağı xəstə olduğu üçün həyat yoldaşının yanına gedən Sevim Hüyuk onunla mübahisə edib, cütlüyün arasındaı mübahisə evdə də davam edib. Evdəki boğuşma ərəfəsində Sevim stolun üstündəki bıçaqla kişini yaralayır. Həmin evdə olan ikinci qadın İzel hadisədən yalnız Sevimin "təcili tibbi yardım çağır" deməsi ilə xəbərdar olub.

Məhkəmə prosesində həyat yoldaşı sadəcə özünü müdafiə etmək istədiyini, ərini öldürmək istəmədiyini bildirib.

Seydişəhər Ağır Cinayət Məhkəməsində işinə baxılan Sevim Hüyuku qayınana və qayınatası da müdafiə edib:

"Oğlumuz yeni münasibətindən sonra çox dəyişilmişdi, digər qadın onu qəsdən qıcıqlandırırdı. Gəlinimiz onu sevirdi. Qəsdən öldürməyib", -deyə fikrini bildirb.

Ailəsinin razılığı olmadan evlənən Sevim onların yanına geriyə qayıtmaq üçün üzü olmadığını, buna görə də orda yaşamağa davam etdiyini deyib. Hadisələr isə tədricən onları bu həddə gətirib. Dözə bilməyən qadn özünü müdafiə etmək üçün həyat yoldaşını bıçaqlayıb.

Mənbə: A24.az

Telegramda izləyin

instagramda izləyin