Teleaparıcı Zaur Kamala avtomobil hədiyyə etdilər

Teleaparıcı Zaur Kamala müğənni Yusif Mustafayev avtomobil hədiyyə edib.

Sonxeber.az gecce.az-a istinadən bildirir ki, ötən gün fəxri ad alan müğənni vədinə əməl edib. Bu gün Zaur Kamalın 5/5 verlişində qonaq olan Y.Mustafayev söz verdiyi kimi Zaura "Niva" markalı avtomobil hədiyyə edib.

Zaur Kamal xatırlatdı ki, 8 ay öncə müğənni onun efirində qonaq olarkən ona belə bir sual ünvanlayıb: "Yusif müəllim siz əməkdar artist fəxri adını alsanız, mənə avtomobil hədiyyə edərsiniz?".

Yusif Mustafayev teleaparıcıya verdiyi sözü tutub və bu gün canlı efirə "Niva" markalı avtomobillə gəlib.

"Bu maşın böyük oğlumun idi. Oğlum bunu başqası ilə dəyişmək istəyirdi. Onun üçün də yaxşı oldu, Zaur Kamal üçün də" - deyə müğənni bildirdi.

Zaur Kamal isə Yusif müəllimin avtomobilə onun ürəyincə olan dövlət nişanı aldığını diqqətə çatdırıb.

Telegramda izləyin

instagramda izləyin