Deputat İsrailin qondarma "erməni soyqırımı"nın tanıması ehtimalından DANIŞDI
"Qondarma "erməni soyqırımı"nın tanınması haqqında qanun layihəsinin baxlması üçün İsrail parlamentinə (Knesset) təqdim olunması siyasi mahiyyət daşıyan bir məsələdir".
Bunu Sonxeber.az-a Milli Məclisin deputatı Fazil Mustafa İsrail-Türkiyə münasibətlərinin gərginəşməsi fonunda uydurma "erməni soyqırımı" haqqında qanun layhisənin İsrail parlamenti tərəfindən tanınma ehtimalını şərh edərkən deyib.
Onun sözlərinə görə, Knessetin qanun layihəsini qəbul edib-etməyəcəyinin heç bir mənası yoxdur.
Deputat xatırladıb ki, dünyada bir sıra ölkələr qondarma "erməni soyqırımı"nı tanımaqla Türkiyəyə heç nə edə bilməyiblər: " Uydurma "erməni soyqırım"ının qanun layhəsi şəklində Knessetə təqdim edilməsi mənasızdır və siyasi mahiyyət daşıyır".
F. Mustafa qeyd edib ki, erməni məsələsini kim gündəmdə saxlayırsa, əslində özünə böyük ziyan vurur.
Millət vəkili diqqətə çatdırıb ki, əgər Knesset qondarma "erməni soyqırımı"nı tanısa, o zaman bu, İsraillə Azərbaycan münasibətlərinə təsir göstərə bilər.
Xatırladaq ki, bu gün yəhudi deputat İtsik Şmuli qondarma "erməni soyqırımı"nın tanınması haqqında qanun layihəsini baxılması üçün İsrail parlamentinə təqdim edilib.
Məftun Salmanov
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş