Bakıda avtobus sürətlə dayanacağa çırpıldı - Qadınları xilas edən kişi faciəli şəkildə öldü - YENİLƏNİB

Bakıda sərnişin avtobusunun törətdiyi ağır yol qəzası ilə bağlı bəzi məqamlar üzə çıxıb.

Sonxeber.az Lent.az-a istinadən xəbər verir ki, Xəzər rayonu Binə qəsəbəsi ərazisində (Atçılıq adlanan yer) 136 saylı marşrut xətti üzrə hərəkət edən "Daewoo New BS" markalı sərnişin avtobusu digər avtobusla ötüşərkən qəza törədib. Belə ki, həmin ərazidəki yürüstü piyada keçidinin yanındakı dayanacağa daha tez çatmaq istəyəna vtobuslar sürəti artırıb və bu zaman Yelmar Atakişiyev avtobusun idaretməsini itirərək gəldiyi sürətlə nəqliyyat vasitəsini dayanacağa çırpıb.

Oradakı şəxslərdən biri - 61 yaşlı kişi nəqliyyat vasitəsinin altında qalaraq vəfat edib. Daha bir nəfər isə ağır xəsarət alıb.

Hadisə şahidləri bildiriblər ki, avtobusun sürətlə yaxınlaşıdığını görən həmin şəxs qadınları kənara itələyib. O, özü uzaqlaşa bilmədiyindən avtobusun altında qalaraq ölüb.

Artıq 136 saylı marşrut avtobusunu sürən Yelmar Atakişiyev polis tərəfindən saxlanılıb. O, diər avtobusun onu sıxması nəticəsində qəza törətdiyini deyib.

Faktla bağlı Xəzər rayon Polis İdarəsində cinayət işi açılıb, araşdırma aparılır.

***
Bakıda sərnişin avtobusu qəza törədib. Xəzər rayonunda olan hadisə zamanı bir sərnişin xəsarət alıb. O, da əraziyə gələn təcili yardım avtmobili ilə xəstəxanaya aparılıb. Gecə Nəsimi rayonunda baş verən ağır qəzada isə üç nəfər xəsarət alıb.

İdaretmədən çıxan sərnişin avtobusu yol kənarındakı ağaca çırpılıb.

Hadisə paytaxtın Xəzər rayonunda baş verib. Görüntülər isə sərnişinlərdən biri tərəfindən çəkilib.

''Koroğlu'' mübadilə mərkəzindən Mərdəkan qəsəbəsi istiqamətində hərəkət edən 136 saylı avtobus Hava limanın keçdikdən sonra birdən idaretəmədən çıxaraq yol kənarındakı ağaça çırpılıb. Hadisə zamanı bir sərnişn xəsarət alıb.

Əraziyə gələn təcili tibbi yardım avtomobili ilə həmin şəxs 3 aylı şəhər xəstəxanasına aparılıb Xəstəxanadan verilən məlumata görə, həmin şəxsə yardım edilərək evə burxılıb.

Hadisə ilə əlaqədar sürücü Yelmar Atakişiyev Xəzər Rayon Polis İdarəsinə aparılıb. İlkin ifadəsində o, eyni istiqamətdə hərəkətdə olarkən, başqa biravtobusun sürücüsü tərəfindən sıxışdırılıdığı üçün bu qəzanın baş verdiyini deyib. Hazırda polis ərazidəki kameralar vasitəsi ilə qəzanın dəqiq səbəbini araşdırır. Sözügedən daşıyıcı şirkətin direktoru Vüqar Əzimov ''Xəzər Xəbər''ə bildirdi ki, sürücü Yelmar Atakişiyev artıq işdən çıxarılıb.

Gecə paytaxtın Nəsimi rayonunda da ağır yol nəqliyyat hadisəsi baş verib. ''VAZ 2107''markalı minik maşını ilə "Mercedes Vito" avtomobili toqquşub.

Rəşid Behbudov və 28 may küçələrinin kəsişməsində qeydə alınan qəzada hər iki sürücü və bir sərnişin yaralanıb. Hər iki avtomobilə isə ciddi ziyan dəyib. Hadisə yerinə gələn təcili yardım briqadası yaralılara ilkin yardım göstərib. Ağır yaralanan bir sərnişin isə dərhal xəstəxanaya çatdırılıb. Hazırda polis bu qəzanın da səbəbini araşdırır.

Telegramda izləyin