Ermənistan müdafiə nazirindən ŞOK ETİRAF: "Ordumuz Qarabağda bu istiqamətdə..."

"Ermənistan ordusu Azərbaycanla müharibəyə hazırlaşır".

Sonxeber.az "publika.az"a istinadla xəbər verir ki, bu barədə Ermənistanın müdafiə naziri David Tonoyan çıxış edib.

Erməni nazir iddia edib ki, Azərbaycan Ordusu təmas xəttində güclənmək istiqamətində addımlar atır: "İstəmirəm ki, Ermənistan ictimaiyyətində bizim sülhə hazırlaşdığımız haqda təəssürat yaransın. Ermənistan Dağlıq Qarabağın təhlükəsizliyinin zaminidir. Bizim ordumuz bu istiqamətdə daim işləyir. Biz Azərbaycanla müharibəyə hazırlaşırıq".

Tonoyan Azərbaycanın hərbi paradda nümayiş etdirdiyi silahlardan da danışıb.

"Əlbəttə, biz bu silahlardan narahat oluruq. Xüsusilə bu hərbi texnikanın necə əldə edilməsi bizi düşündürür", - deyə o bildirib.

Erməni nazir Türkiyə və Azərbaycanın hərbi ittifaqından da narahat olduqlarını dilə gətirib: "Bu ittifaq Ermənistan üçün narahatlığın əsas mənbəyidir. Azərbaycan ərazilərin qaytarılması ilə bağlı Ermənistanı müharibə ilə hədələyir, Türkiyə də bununla bağlı Bakıya hər cür köməklik göstərir".

Telegramda izləyin

instagramda izləyin