Qadın alt paltarını oğurlayan nazir danışdı

Onu seçkilərlə bağlı qanunu pozmaqda da ittiham edirlər.

Yaponiya parlamentinin deputatları təbii fəlakətlərdən sonra bərpa işləri üzrə nazir Tsuesi Takaqidən onun ittiham edildiyi qadın alt paltarları oğurluğunu izah etməyi xahiş ediblər, JapanToday məlumat yayıb.

Məmur ittihama çərşənbə günü noyabrın 11-də Yaponiya parlamentinin yuxarı palatasının Büdcə komitəsinin açıq iclasında çıxış edərkən cavab verib.

Portal qeyd edir ki, 2011-ci ildə baş verən zəlzələnin nəticələrinin aradan qaldırılmasına cavabdeh olan nazirlikdə bu ilin oktyabrında rəhbər vəzifəni tutan kimi Taqaki qalmaqalın mərkəzində olub.

Bundan başqa, onu seçkilərlə bağlı qanunu pozmaqda da ittiham edirlər, yerli həftəlik qəzetlərdən biri məmuru 30 il bundan öncə gənc qadının evinə girərək onun alt paltarını oğurladığını yazıb.

Məqalədə gənc Taqakinin polis tərəfindən dindirildiyi, amma onun cəzadan yaxa qurtarmağa nail olduğu yazılıb, The Japan Times qeyd edib.

Televiziya vasitəsilə yayımlanan iclasın gedişatında nazirə qarşı irəli sürülən ittihamlarla əlaqəli sualı Taqakinin bölməsinə rəhbərlik etdiyi Liberal Demokratik partiya ilə rəqabət aparan Yaponiyanın Demokratik partiyasının nümayəndələrindən biri qaldırıb. Deputat nazirdən qarət haqqında informasiyanı şərh etməyi xahiş edib.

Taqaki bütün ittihamları təkzib edib. O, komitəyə belə bir şeyin olmadığını deyib.

"Belə şayiələr hər zaman seçkilərdən öncə meydana çıxır, amma bilmirəm nəyə görə", - müzakirədən yayınaraq əlavə edib.

Nazir həmçinin LDP seçicilərindən birinin dəfnində etdiyi xeyriyyə işini də izah edib. Bu qəbildən olan hərəkətlər qanun tərəfindən rüşvət kimi qiymətləndirilir.

Taqakinin sözlərinə görə, xeyriyyəçiliyi şəxsi vəsaitindən edib, məlumat partiyanın bölməsinin hesabatına səhvən düşüb.

oxu.az

Telegramda izləyin