Alpinist olduğu deyilən itkin gəncin qardaşı danışdı: "Axtarış istədiyimiz kimi olmadı..."

Xəbər verdiyimiz kimi Azərbaycanda iki gənc Nüsrət Nəzərzadə və onun dostu Aqil Təbirli itkin düşüb. Onların alpinizim idman növü ilə məşğul olduqları söylənilir. Belə ki, Sumqayıt şəhərində yaşayan gənclər aprelin 18-də günorta radələrində məşq etmək üçün rezin qayıqla Xəzər bağları istiqamətinə yollanıblar.

Sonxeber.az xəbər verir ki, BiG.AZ saytı itkin düşən Aqil Təbirlinin ailəsi ilə əlaqə saxlayıb.

Onun qardaşı Cabir Təbirli qeyd edib ki, aprelin 18-i günorta saatlarında evdən çıxıb geri qayıtmayıb: "Qonşumuzun oğlu ilə bir yerdə gediblər. Qardaşımın 15, onun isə 18 yaşı var. Onlar rezin qayıqla Xəzərə açılıblar. Evdə heç bir söhbət olmamışdı. Hamımız səhər işə getmişdik. Qardaşım evdə tək idi. O, çox sakit, tərbiyəli uşaqdır. Amma qonşumuzun oğlu haqqında heç də yaxşı sözlər deyilmir. Bütün müvafiq qurumlara müraciət edilib. Dənizdə yoxlanma da aparılıb. Amma yarıya kimi. Biz dənizdə aparılan axtarış istədiyimiz kimi olmadı. Biz helokopterin qalmasını istədik. Amma qalxmadı".

Telegramda izləyin

instagramda izləyin