Məktəb formalarının bahalı və keyfiyyətsiz olmasının SƏBƏBİ

Yeni tədris ilinin başlanması ilə məktəbli formalarının qiymət və keyfiyyəti yenidən gündəmə gəldi.

Sonxeber.az fins.az-a istinadla xəbər verir ki, vahid məktəbli formasının ölkədəki əsas istehsalçısı olan Bakı Tikiş Evi formaların satış xərcinin o qədər də baha olmadığını bildirir.

Bakı Tikiş Evinin satış müdiri Etibar Əzimov bildirib ki, müəssə formalara minimal gəlir qoyur. "İqtisadi İnkişaf Nazirliyi formaların qiymət artımına icazə vermir. 23 manat formadısa 7 manat da bunun əlavə dəyər vergisidir (ƏDV). Təkçə materialın qiyməti 30 manatdır. Bunun düymasi, sapı, astarı, cibi, uçuş pulusu var. Bunların hamısını hesablayanda müəssənin minimal gəliri qalır".

E.Əzimov qeyd edib ki, Dəmir Yolçuların işçiləri və digər orqanlar da buradan forma alır. Şirkətin satış müdiri əlavə edib ki, bahalı məktəb formaları Abşeronda satılır. Özü də keyfiyyətsizdirlər. Abşeronda satılan formalar 1 aydan sonra xarab olur.

Qeyd edək ki, 1-ci sinifdən 6-cı sinifə qədər Bakı Tikiş Evin formaların (26,44 ölçü) satış qiyməti 40-46 manatdır. 7-ci və 11-ci sinifin məktəb formaları isə 46 manatdır, bir il də şirkət tərəfindən zəmanət verirlir.

Həqiqətən də indiki şərtlər daxilində Bakı Tikiş Evinin təklif etdiyi qiymət münasib görünür. Lakin təəssüf olsun ki, formaların satışı ilə məşğul olan mağazaların bir çoxunda tamam başqa qiymətlərə rast gəlinir.

Telegramda izləyin

instagramda izləyin