Elmira Türkiyəyə xəstə nənəsinin yanına getdi, insan alverçisinin qurbanı oldu

Qadınları Türkiyəyə apararaq satan insan alversiçi cəzasının azaldılması məqsədi ilə Ali Məhkəməyə müraciət edib.

Sonxeber.az "Ölkə.Az"-a istinadən xəbər verir ki, cinayət məcəlləsinin 144 və 243.1-ci maddəsi ilə məhkum olunan Əzizova Natavan İdris qızının məhkəmə prosesinə hakim İmran Hacıqayıbov sədrlik edəcək.

İttiham aktına görə, Gəncədə yaşayan Əzizova Natavan İdris qızı Goranboyda yaşayan Nigar Allahverənovanın qızı Elmiranı (adlar şərtidir) Türkiyədə bir oğlana ərə vermək adı ilə "satmaq" istəyib. Belə ki, Elmira Türkiyədə xərçəngdən müalicə alan nənəsinin yanına gedib. Orada Natavan onu görüb və deyib ki, ərdən çıxmış qadınsan gəl səni burada tanışlarımın birinə ərə verim. Elmira da bunu nənəsinə danışıb. Nənəsi də dedyib ki, gedin baxın, məsləhətdirsə ailə həyatını qur. Natavan Elmiranın tanışının evinə gətirib, iki gün orada qonaq olublar, oğlanla qız birgə şəkil də çəkdiriblər...
Ancaq bir müddət sonra Elmira Natavanın çirkin niyyətini başa düşdükdən sonra oradan qaçıb gəlib nənəsinin yanına. Məlum olub ki, Elmiranın pasportunu da əlindən alıblar, müdaxilədən sonra qaytarıblar. Natavan biabır olacağıdan qorxub türkiyəli oğlana deyib ki, Elmiranın pul, qızıl oğurlayıb qaçdığını Azərbaycan mətbuatına ötürsün. Əllərində guya fakt da vardı ki, oğlanla qız birlikdə şəkil çəkdiriblər. Bizim saytlar bu barədə məlumatı yayıblar.
İstintaq zamanı zərərçəkənin Çingiz adlı qohumu ifadə verərək bildirib ki, Elmiranın nənəsi ilə Natavan bir-birlərini çoxdan tanıyıblar: "Mənim əlimdə Natavanın türkiyəli oğlanla telefon danışıqlarının səsi var. Orada oğlana deyib ki, Azərbaycandan sənə zəng edəndə deyərsən ki, Elmira toy gününə bir neçə gün qalmış pulumu və qızılları oğurlayıb qaçıb. Mən bunları ATV-də yayımlanan "Bizimləsən" verilişində və yerli saytlara da göstərdim, Natavanın planının üstünü açdım, təkzib verdirdim".

Bundan sonra Natavan Gəncədə Türkiyədən gələn 3 qızla birlikdə İnsan Alverinə Qarşı Mübarizə Baş İdarəsinin əməkdaşları tərəfindən yaxalanıb: "Elmira bir ay olar ki, rayona qayıdıb. Məqsədim Natavanı ifşa etməkdir. İndi görün o, neçə-neçə azərbaycanlını Türkiyədə tanış kişilərə "satıb". Qoy onun "qurban"ları da üzə çıxıb başlarına gətirilən hadisələrdən danışsınlar".

Telegramda izləyin

instagramda izləyin