Azərbaycanlı aktrisa: "Həyatımda pis şeylər daha çox olub" - FOTO

Sonxeber.az aktrisa Aygün Rəhimovanın milli.Az-a müsahibəsini təqdim edir

- Özünüzü necə xarakterizə edərdiniz?

- Dostluğu sevən, səmimiliyi bacaran və bu qəddar dünyada möcuzəyə inanan yeganə insan.

- Bir müddət görünürsünüz, sonra yenidən ortalıqda olmursunuz. Buna səbəb nədir?

- O, yəqin iç dünyamla bağlı olan bir şeydir. Mən çox emosional insanam. Sadəcə, çox tez bezirəm.

- Bezəndə nə edirsiniz?

- Bezəndə qaçıram. Hər yerdən, hamıdan.

- Özünüzdən də qaçırsınız?

- İnsan özündən qaça bilmir ki. Özündən uzaqlaşa bilər.

- Sizi depressiv insan adlandıra bilərəm?

- Xeyr, sadəcə olaraq, yenilikləri xoşlayıram. İstəmirəm ki, həyatım bir xətt üzrə inkişaf edib, monoton olsun.

- Tez küsürsünüz?

- Xeyr, küsəyən deyiləm. Amma küsəndə münasibətləri birdəfəlik qırıram. Qəlbimə dəymək asan deyil.

- Bağışlamağı bacarırsınız?

- Xeyr! İnsana ikinci şansı vermək düzgün deyil.

- Müğənnilik, yoxsa aktrisalıq?

- Məncə, aktrisalıq. Mən artistəm (gülür). Amma həyatda artistlik edə bilmirəm.

- Həyatda peşman olduğunuz məqamlar olub?

- Xeyr. Mən bu günümlə yaşayan insanam. Xəyalpərəst insan deyiləm, realist oluram.

- Möcüzələrdə qəhrəman olur. Sizin qəhrəmanınız hansıdır?

- Mən ağ atlı oğlanımı o qədər gözləmişəm ki, özüm ağ atlı "prins"ə çevrilmişəm (gülür). Hələ də gəlib çıxmır.

- İstədiyiniz yerdəsiniz?

- Deməzdim ki, istədiyim yerdəyəm. Amma hər zaman çalışıram, vuruşuram, Həmişə istəmişəm ki, istedadımı göstərim. Mənim üçün bu, çox vacibdir.

- Özünüz haqqında nə düşünürsünüz?

- Mən yaxşı aktrisayam (gülür). Zarafat edirəm, özümə baxmağı sevmirəm. Həmişə baxanda səhvlərimi görürəm. Ümumiyyətlə, aktrisa olmurlar, doğulurlar. Bu sənət həm də səndən təcrübə istəyir. Həyatımda çox şey olub deyə nə reaksiya verəcəyimi bilirəm.

- Həyatınızda nə baş verib ki?

- Yaxşı şeylər də olub, pis şeylər də. Pis şeylər bir az çox olub. Bəlkə də bu insanlara olan inamımdan irəli gəlir. Bu inam heç vaxt bitmir.

Telegramda izləyin

instagramda izləyin