Mövsümi meyvələr nə zaman ucuzlaşacaq? - VİDEO

Payız gələndə havaların soyuması insanlarda bir sıra xəstəliklərə səbəb olur. Havanın temperaturunda baş verən ani dəyişikliklər orqanizmin immunitetini zəiflədir. İmmuniteti qaldırmaq üçün ən yaxşı vasitə isə bol meyvə ilə qidalanmaqdır. Nar, heyva, armud, mandarin bu mövsümdə ən çox istifadə olunan meyvələrdəndir.

Növündən, ölçüsündən asılı olaraq, qiymətlərdə fərqlilik müşahidə olunur. Ümumilikdə isə qiymətlər elə də ucuz deyil. Satıcılar bunun səbəbini meyvələrin bazarlara yeni çıxarılması ilə əlaqələndirir.

Nar, əsasən, Göyçay, Kürdəmir və Sabirabaddan gətirilir. Üzümün qiyməti 2.50 - 3 manat, əzgil 6-7, feyxoa 3-4 manat arasında dəyişir. Bu meyvələrlə yanaşı, alıcılar arasında yaş qoza da tələbat var.

Satıcıların sözlərinə görə, mövsümi meyvələrin qiyməti bir həftə sonra enəcək.

Sonxeber.az Baku TV-nin mövzu ilə bağlı hazırladığı reportajı təqdim edir:

Telegramda izləyin

instagramda izləyin