Məktəbin həyətində 12 yaşlı qıza qarşı tərbiyəsizlik

"Süründürülməsinin izləri dizlərindəki yaralardan bəllidir".

Abşeron rayonunun Masazır qəsəbəsində yerləşən məktəbin həyətində xoşagəlməz hadisə yaşanıb.

Sonxeber.az AzNews.az-a istinadən xəbər verir ki, valideynlərdən biri 12 yaşlı qız uşağının saçından tutaraq məktəbin həyətində sürüyüb.

Hadisə Masazır qəsəbəsi Əliağa Vahid adına 1 saylı orta məktəbdə baş verib. Bu barədə məlumatı Azərbaycan Uşaqlar Birliyinin sədri Kəmalə Ağazadə verib:

"12 yaşlı qız məktəbin həyətində saçından tutularaq bir valideyn tərəfindən zorakılığa məruz qalıb. Süründürülməsinin də izləri dizlərindəki yaralardan bəllidir".

Məsələ ilə bağlı sözügedən məktəblə əlaqə saxladıq. Məktəbin direktoru Etibar Orucov yayılan məlumatın həqiqəti əks etdirmədiyini söylədi.

Abşeron rayonu polis idarəsindən isə onlara belə bir şikayətin daxil olmadığını söylədilər.

Telegramda izləyin

instagramda izləyin