Ər arvadının yalvarışına baxmadı: Kartofu kimə satmısan?.. – Azərbaycanda QANLI CİNAYƏT

Ər arvadının yalvarışına baxmadı: Kartofu kimə satmısan?.. – Azərbaycanda QANLI CİNAYƏTGədəbəy rayonunda arvadını öldürməkdə təqsirli bilinən 1988-ci il təvəllüdlü Fariz Muxtarovun cinayət işi üzrə məhkəmə prosesi başa çatıb.

Fariz Muxtarov Gədəbəy rayonunun Arıqdam kəndində 5 oktyabr 2017-ci il tarixdə saat 21 radələrində 2013-cü ildən rəsmi şəkildə nikahları pozulmuş 1988-ci il təvəllüdlü keçmiş arvadı Mətanət Muxtarova ilə mübahisə edib.

Mübahisəyə səbəb Mətanətin həmin gün ondan aliment tələbi ilə məhkəməyə müraciət etməsi olub.

Həmçinin ertəsi gün Fariz anası Mirvarinin evinin zirzəmisinə yığılmış Mətanətə məxsus iki kisə kartofu icazəsiz apararaq satıb.

Həmin gün Mətanət ondan Daxili İşlər Nazirliyinin "102" Zəng Mərkəzinə şikayət edib.

Mətanətin şikayətindən Farizin anası Mirvari əsəbiləşib. Bu səbəbdən eyni evdə yaşayan gəlin-qayınana mübahisə edib. Mübahisəyə Mirvarinin oğlu Asif də qoşulub.

Asif Mətanətin evdə səs-küy salması, Farizdən hüquq-mühafizə orqanlarına şikayət etməsi barədə sonuncuya telefon vasitəsi ilə məlumat verib.

Bundan əsəbiləşən Fariz Şəmkir şəhərindən Arıqdam kəndinə gəlib. Həmin vaxt Mətanətlə birgə nikahlarından doğulmuş oğlanları - Aqşin və Elşənin evdə yatdığını, Mətanətin özünün isə evdə olmadığını görüb.

Fariz stolun üstündəki bıçağı götürərək otaqdan çölə çıxıb. Əl arabası ilə kartof dolu kisələri qonşuları Bayrama məxsus tikilinin əl damına daşıyan Mətanəti görüb. O, əlində bıçaq Mətanətin arxasınca gəlib.

Farizi görən Mətanət qışqıraraq tikilinin həyətindən keçən yolla ağaclıq istiqamətində qaçıb. Fariz Mətanətin arxasınca düşərək onu tutmaq istəyib.

Mətanət qaçarkən ayağı həyətin dəmir darvazadan olan giriş qapısı ilə üzbəüz, dəmir borunun yanında daşlığa ilişərək yıxılıb. Mətanətin ardınca gələn Fariz onu tuta bilib.

Mətanət onu buraxması üçün yalvarıb. Amma Fariz yalvarışlara məhəl qoymayıb. O, qadından evdə olan kartofu daşımasının və ondan polisə şikayət etməsinin səbəbini soruşub.

Mətanət ona nə üçün alimenti ödəmədiyini deyib. Fariz pulu olmadığı üçün aliment ödəyə bilmədiyini söyləyib.

Daha sonra qəfildən bıçaqla arvadına bir zərbə vurub. Bıçaq xəsarəti alan Mətanət Farizin əlindən çıxıb və evin həyətində olan ağaclıq istiqamətində qaçıb, yenidən qışqıraraq kömək istəyib.

Mətanət cibindəki mobil telefonunu çıxararaq polisə zəng edəcəyini deyib.

Bu zaman Fariz yenidən Mətanətin arxasınca qaçıb. Həmin vaxt Mətanət cəld Daxili İşlər Nazirliyinin 102 xidmətinə yığaraq, ərinin onu öldürəcəyini söyləyib. Arvadına çatan Fariz bıçağı onun boğazına çəkib. Qadın aldığı xəsarətlərdən hadisə yerində ölüb.

Fariz Muxtarov barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.

Bu cinayət işinə Gəncə Ağır Cinayətlər Məhkəməsində hakim Faiq Mahmudovun sədrlik etdiyi kollegiyada baxılıb. Fariz Muxtarov 12 il 6 ay müddətinə azadlıqdan məhrum edilib. Onun Gədəbəy rayon Məhkəməsi tərəfindən təyin olunan cəza bu hökmlə birləşdirilib. Bu səbəbdən əlavə olaraq 3 min manat cərimə də olunub.

Fariz Muxtarovun cəzasını ciddi rejimli cəzaçəkmə müəssisəsində çəkməsi barədə hökm edilib.

Fariz Muxtarov apelyasiya şikayəti verib. O, himayəsində iki azyaşlı övladının olmasını göstərib, cəzasının yüngülləşdirilməsini xahiş edib.

Şikayət Gəncə Apelyasiya Məhkəməsində araşdırılıb və sonda şikayət təmin edilməyib.

Fariz Muxtarov kasasiya şikayəti də verib. Ali Məhkəmədə hakim Gülzar Rzayevanın sədrliyi ilə baş tutan iclasda kasasiya şikayətinin araşdırması başlanıb. Araşdırma aparılan zaman iclasda iştirak edən məhkum hakimə ərizə ilə müraciət edib və kasasiya şikayətini geri götürdüyünü deyib. Hakim heyəti onun ərizəsini təmin edib. (teleqraf)


Sonxeber.az Telegramda izləyin
Kriminal   Baxılıb: 1711   Tarix: 20 may 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Azərbaycanda ticarət mərkəzində qız üstündə DAVA – Öldürmək istədi

Şabran rayonunda qəsdən adam öldürməyə cəhd edən şəxsə açılmış cinayət işinin ibtidai istintaqı yekunlaşıb.. . News24.az-ın məlumatına görə, bu ilin yanvarın 30-da rayon ərazisindəki "Aygünlü" Ticarət Mərkəzinin qarşısında 1986-cı il təvəllüdlü Elçin Şükürov sol bazu sümüyü və qarın boşluğun

20 may 2019

Məşhur azərbaycanlı kriminal avtoritet Moskvada tutulub Bakıya gətirildi - TƏFƏRRÜAT

Rusiyanın paytaxtı Moskva şəhərində həbs edilən tanınmış kriminal avtoritet Rüstəmov Akif İslam oğlu Bakıya ekstradisiya edilib.. . Sonxeber.az-ın News24.az-a istinadən məlumatına görə, onun barəsində Cinayət Məcəlləsinin 228.1-ci, yəni qanunsuz silah gəzdirmə maddəsi ilə cinayət işi açlıb və iş Bak

20 may 2019

Generalın qohumu iştirak etdiyi davaya görə daha 2 nəfər HƏBS EDİLDİ

Bir neçə gün öncə Bakıda baş verən silahlı atışmaya görə daha iki nəfər saxlanılıb.. . Sonxeber.az xəbər verir ki, biznesmen oğlu İsa Əzizovla "razborka"da iştirak edən kriminal aləmə yaxın şəxslər olan Elçin Sadıq və Yasin Əhmədov tutulub. Onlar hadisə yerindən qaçdıqları üçün bir neçə gündü

18 may 2019

Sosial şəbəkədə tanış olduğu qadını intim fotolarını yaymaqla hədələdi — 10 min manatlıq iş

Bakıda hədə-qorxu ilə pul tələb etməkdə təqsirli bilinən Elvin İsmayılov Ali Məhkəməyə müraciət edib.. Sonxeber.az "Ölkə.Az"a istinadən xəbər verir ki, təqsirləndirilən şəxsin müraciəti ilə bağlı məhkəmə iclası hakim Əli Seyfəliyevin sədrliyi ilə may ayının 22-də keçiriləcək.. İttihama görə

18 may 2019

Arvadının ona xəyanatindən şübhələndi və... - Bakıda ərdən DƏHŞƏTLİ ƏMƏL

Bakıda qısqanclıq zəminində arvadını öldürməkdə təqsirli bilinən Məzahir Məmmədovun (cinayət işində adı keçən şəxslərin ad və soyadları şərti verilib – red.) cinayət işi üzrə məhkəmə prosesi başa çatıb.. . Sonxeber.az Publika.az-a istinadən xəbər verir ki, Məzahir Məmmədov arvadı Səbinənin son vaxtla

18 may 2019

Dayı bacısı qızını qaçıran 20 yaşlı gəncin boğazını kəsdi — Gəncədə DƏHŞƏTLİ qətl

Gəncə Ağır Cinayətlər Məhkəməsində adam ğldürməkdə təqsirli bilinən Qasımov Bahadur Əli oğlunun cinayət işi üzrə məhkəmə prosesi davam edir.. Sonxeber.az "Ölkə.Az"a istinadən xəbər verir ki, hakim Faiq Mahmudovu sədrliyi ilə keçiriləcək növbəti məhkəmə prosesi may ayının 29-na təyin olunub.

18 may 2019

Azərbaycanda kişi öğey xalasını öldürüb, evindən pul oğurladı

Ali Məhkəmədə qətl törətməkdə təqsirləndirilən Ramil Əbilovun barəsində olan hökmdən verilən kassasiya şikayəti üzrə məhkəmə başa çatıb.. Sonxeber.az "Ölkə.Az"a istinadən xəbər verir ki, hakim Gülzar Rzayevanın sədrliyi ilə keçirilən prosesdə qərar elan olunub.. . Qərara əsasən, R.Əbilovu

18 may 2019

Azərbaycanda narkotacir saxlanıldı

Daxili işlər orqanları tərəfindən narkotik vasitələrin qanunsuz dövriyyəsi, həmçinin kultivasiya yolu ilə yetişdirilən narkotik tərkibli bitkilərin aşkar edilməsi istiqamətində qətiyyətli tədbirlər davam etdirilir. . . DİN Mətbuat Xidmətinin Şirvan regional qrupundan verilən məlumata görə, daxil olmu

18 may 2019

Bakıda 24 yaşlı oğul atasını qətlə yetirdi — TƏFƏRRÜAT

Bakıda atasını öldürməkdə təqsirləndirilən 24 yaşlı Laçın Novruzovun barəsində olan hökmdən prokurorun verdiyi apelyasiya protesti üzrə məhkəmə prosesi davam edir.. Sonxeber.az "Ölkə.Az"a istinadən xəbər verir ki, Bakı Apellyasiya Məhkəməsində hakim Qədim Babayevin sədrliyi ilə keçiriləcə

17 may 2019