Məşhur müğənni ərinə görə qızı döydü

Müğənni Zenfira İbrahimova məşhur mağazalardan birinin əməkdaşını döyüb.

Sonxeber.az xəbər verir ki, bu barədə musavat.com-a hadisə şahidləri məlumat veriblər. İddialara görə, ifaçının idmançı həyat yoldaşı Anar Heydərov idman zalında tanış olduğu Lamiyə adlı xanıma qırmızı rəngdə avtomobil hədiyyə edib.

Məsələdən xəbər tutan Zenfira mağazaya gedərək, qızı döyüb və avtomobili əlindən alıb.

Hadisəni dəqiqləşdirmək üçün mağaza ilə əlaqə saxladıq. Mağazanın əməkdaşı bildirib ki, sözügedən xanım orada işləsə də, hazırda işdə yoxdur.

Daha sonra Lamiyə xanım əməkdaşımıza zəng edərək bildirib ki, Zenfira İbrahimova ilə heç bir problem yaşamayıb: "Bu məlumatı sizə kim verib? Yalan söhbətdir, mənim Zenfira xanımla nə davam olub, nə də o məni döyüb. Elə bir hadisə yaşanmayıb. Mənə mağazadan deyəndə ki, səni jurnalist axtarır, çaşıb qaldım. Adi qızam, işimi görürəm. Çox zaman da o mağazada olmuram. Mənim Zenfira xanımın ailəsində problem yaradacaq hərəkətim olmayıb".

Qeyd edək ki, bir müddət öncə ARB TV-nin "Söhbət var" verilişində qonaq olan müğənni Zenfira İbrahimova idmançı həyat yoldaşını qısqandığını etiraf edib: "Sevən insan qısqanmalıdır. Hər qızın da işi deyil ki, Anara "direct"ə yazsın. Onu alaram əlimə, qoyaram ayağımın altına..."

Müğənninin prodüseri Aynur Bağırova açıqlamasında bildirib ki, hadisədən xəbərsizdir: "Zenfira xanım Türkiyədə çəkilişdədir. Bu haqda ilk dəfə sizdən eşidirəm. Mən Zema ilə danışıb sizə açıqlama göndərəcəm".

Telegramda izləyin

instagramda izləyin