Bakıda oğul mobil telefon almaq üçün pul verməyən anasını qətlə yetirdi — TƏFƏRRÜAT

Bakıda oğul mobil telefon almaq üçün pul verməyən anasını qətlə yetirdi — TƏFƏRRÜATBakıda anasını qətlə yetirməkdə təqsirli bilinən Eldar Müslümovun cinayət işi üzrə ibtidai istintaq başa çatıb.
Sonxeber.az "Ölkə.Az"a istinadən xəbər verir ki, cinayət işi baxılması üçün Bakı Ağır Cinayətlər Məhkəməsində hakim İlham Mahmudovun icraatına verilib.

Qeyd edək ki, hadisə bu ilin fevral ayının 18-də Bakının Nərimanov rayon ərazisində baş verib.

26 yaşlı Müslümov Eldar Şirəddin oğlu 66 yaşlı anası Müslümova Nailə Əzim qızını qətlə yetirib.

Saxlanılan şəxsin verdiyi ifadəyə görə, ailə-məişət münaqişəsi zamanı o, stulla anasının sinə nayihəsinə zərbə endirib. Qadın zərbənin təsirindən yıxılıb və başı divara dəyib.
Törətdiyi hadisədən dərhal sonra E.Müslümov mənzilin qapısını bağlayaraq, hadisə yerindən qaçıb.

Fevralın 19-u, 16:00 radələrində anasının sağ qaldığı ümidi ilə evə geri dönüb, təcili tibbi yardım çağırıb. Ancaq həkimlər onun öldüyünü deyib. Çox keçmədən cinayət yerinə polis əməkdaşları gəlib.

İlkin araşdırma nəticəsində müəyyən edilib ki, oğulla ana arasında mübahisə smartfona görə düşüb. E.Müslümov arzuladığı mobil telefonu alması üçün anasından pul istəyib, qarşı tərəf isə razı olmayıb. Qəzəblənmiş oğul anasına əl qaldırıb.

Qeyd edək ki, evdə onlardan başqa heç kim yaşamayıb.

Dünyada   Baxılıb: 1664   Tarix: 26 iyun 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR