Pilotun xanımı: "Oğluma necə deyəcəm ki, atan bir də qayıtmayacaq?"

Pilotun xanımı: "Oğluma necə deyəcəm ki, atan bir də qayıtmayacaq?""Zəfər" Şəhid Ailələrinə Dəstək İctimai Birliyi şəhid anaları və şəhid xanımlarının qəzaya uğramış MiQ-29 döyüş təyyarəsinin mərhum pilotu Rəşad Atakişiyevin ailəsinə ziyarətini təşkil edib. Bu ziyarətdə şəhid ailələrini Modern.az-ın əməkdaşı da müşayiət edib.

Rəşad Atakişiyevin ailəsini şəhid polkovnik-leytenant Raquf Orucovun xanımı Sevinc Orucova (İctimai birliyin sədri), şəhid pilot, mayor Urfan Vəlizadənin həyat yoldaşı Könül Vəlizadə, Aprel şəhidləri Mahir Quliyevin anası Lalə Quliyeva və Müşviq Orucovun anası Aygün Orucova ziyarət edib.

Ziyarətçiləri mərhum pilotun anası Tatyana xanım və bibisi qarşıladı. Ananın qəlbindəki yanğı gözlərindən oxunurdu. Milliyətcə rus olan Tatyana Atakişiyeva bütün Azərbaycan əsgərlərinə dua edib, Allahdan onları qorumasını istədi.

Rəşadın yaşadığı mənzilə daxil oluruq... Həyat yoldaşı Könül xanımı ovuda bilmirlər... O, ziyarətçiləri göz yaşları içində qarşıladı.

Aprel şəhidi Urfan Vəlizadənin həyat yoldaşı özünü təqdim edəndən sonra iki pilot xanımı eyni dərdlə bir-birlərinə sarıldılar... Bu məqamda onları bir-birlərindən başqa heç kəs yaxşı başa düşə bilməzdi...

"Sən necə dözmüsən, necə ayaqda qalmısan?!" - deyən Könül Atakişiyeva sual dolu baxışlarla Könül Vəlizadəyə müraciət etdi...

Sonrada övladları qarşısında düşdüyü vəziyyəti anlatmağa çalışdı... Könül Atakişiyeva övladlarına atalarının Suriyaya getdiyini və bir gün geri dönəcəyini deyib. Pilotun 7 yaşlı oğlunun gözləri iyulun 24-dən yol çəkir, "ana, atama zəng elə, onun üçün darıxmışam, səsini eşitmək istəyirəm" deyir. İndi ana oğluna atasının getdiyi yoldan bir daha geri dönməyəcəyini necə deyəcəyini bilmir.

Könül xanım Urfan Vəlizadənin həyat yoldaşına dayanmadan eyni sualı verirdi: "Mən necə deyəcəm oğluma, necə başa salacam? Sən necə dedin?"

Əslində bəlkə də Rəşad Atakişiyevin oğlu olanları dərk edib. Məlum oldu ki. uşağı bir neçə gündür ev gətirmirlər ki, yas yerinə gələn insanları görüb atasının həlak olmasından duyuq düşməsin.

Şəhid pilotun xanımı:

"Təyyarə qəzaya uğrayandan sonra, Rəşadın nəşi tapılmazdan öncə bizə gəlib başsağlığı verirdilər, amma biz qəbul etmirdik. Biz onun dönəcəyinə ümid edirdik. Axı Rəşad hər gün xidməti yerinə gedir və sonda evinə dönürdü. Onun məğrurluğu, şücaəti bizə güvən verirdi ki, Rəşad sağ-salamat övladlarının yanına qayıdacaq. Təəssüf edirik ki, arzumuz, xəyallarımız gerçəkləşmədi".

Rəşadın qaynanası Məhbubə xanım:

"Nəvələrim üçün narahatam. Atalarının yoxluğunu onlara desək, psixologiyasına çox pis təsir edəcək. Gözləyirik, bəlkə yavaş-yavaş atalarının yoxluğuna alışarlar. Bəlkə onda deyə bildik".

Pilotun ailə üzvləri ilə görüşdən sonra şəhid anaları və xanımları II Fəxri Xiyabana gedib Rəşad Atakişiyevin məzarını ziyarət etdilər…

Arayış: Rəşad Atakişiyev 1985-ci il yanvar ayının 7-də Samux rayonunun Alabaşlı qəsəbəsində anadan olub. Şəmkir rayonundakı şəhid Şöhrət Hüseynovun adını daşıyan Qılıncbəyli kənd orta məktəbini bitirib. 2002-ci ildə Azərbaycan Ali Hərbi Təyyarəçilik Məktəbinə daxil olaraq 2006-cı ildə həmin məktəbi bitirib. Seçdiyi peşəni daha dərindən öyrənməyə səy göstərib. "Polkovnik-leytenant" hərbi rütbəsinə qədər yüksəlib.

R.Atakişiyev Azərbaycan Ordusunda xidmət etdiyi müddət ərzində peşəkar, nümunəvi, vətənpərvər zabit kimi tanınıb. Onun xidmətləri həmişə yüksək qiymətləndirilib. Hərbi hissənin qarşısında qoyulmuş vəzifələrin yerinə yetirilməsində fərqləndiyinə görə bir neçə medal ilə təltif olunub.
Azərbaycan və Türkiyə Hərbi Hava Qüvvələrinin "Turaz Qartalı" devizi altında keçirilən birgə taktiki-uçuş təlimlərində, eləcə də ötən ilki Azərbaycan Silahlı Qüvvələrinin 100 illiyi ilə bağlı keçirilən hərbi paradda nümunəvi çıxışı ilə yadda qalıb.

Rəşad Atakişiyevin 2 oğul övladı var. Birinin 3, digərinin 7 yaşı var.

Rəşadın hərbidən ehtiyata buraxılmasına 3 il qalmışdı, amma əcəl imkan vermədi…

Sosial   Baxılıb: 7912   Tarix: 22 avqust 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Uşağını balkona zəncirləyən ana ilə bağlı ŞOK FAKTLAR: "Pol taxtasını belində sındırırdılar" - VİDEO - FOTO

Bakıda yaşayan Yevlax rayon sakini Şahanə İsmayılova, Nəsimi rayonu Cavadxan küçəsində kirayə qaldığı mənzildə övladının ayaqlarını zəncirlə bağlayaraq işə gedib. . . Sonxeber.az ARB TV-yə istinadən xəbər verir ki, 9 yaşlı uşaq səhər saat 8-dən axşam 10-a qədər köməksiz vəziyyətdə qalıb. Qonşuların sözlərin

22 avqust 2019

Sentyabrın 1-dən maaşları artacaq şəxslərin - SİYAHISI

Sentyabr ayından etibarən vahid tarif cədvəli ilə əməkhaqqı alanların maaşları 40 faiz artacaq. Artım ümumilikdə 450 min insana şamil ediləcək. . . Sonxeber.az xəbər verir ki, Prezident İlham Əliyevin minimum əməkhaqqı məbləğinin artırılması ilə bağlı sərəncamına əsasən yeni vahid tarif cədvəli müəyyənləşib

22 avqust 2019

SON DƏQİQƏ! MiQ-29-un qəza səbəbi BƏLLİ OLDU - RƏSMİ

İyulun 24-də saat 22.00 radələrində plana uyğun olaraq gecə vaxtı təlim-məşq uçuşları həyata keçirən zaman qəzaya uğrayan Hərbi Hava Qüvvələrinin MiQ-29 tipli döyüş təyyarəsinin uçuşun bort qeydiyyatçısındakı ("qara qutu"dakı) məlumatlar və uçuşun aparılması ilə bağlı digər texniki sənədlə

22 avqust 2019

FHN 133 yaşayış binası ilə bağlı QƏRAR VERDİ

Azərbaycan Respublikası Prezidentinin növbəti humanist addımı olaraq imzaladığı "Bəzi çoxmənzilli binaların istismarına icazə verilməsinin sadələşdirilməsi haqqında" 19 fevral 2019-cu il tarixli 529 nömrəli Fərmanının icrası ilə əlaqədar Fövqəladə Hallar Nazirliyi və digər aidiyyəti dövlə

22 avqust 2019

Atasını qətlə yetirən oğulun etirafı: "Kartı vermədiyinə görə öldürdüm" – VİDEO

Tovuz rayonunda qətl hadisəsi baş verib. . Sonxeber.az xəbər verir ki, hadisə rayonun Aşağı Quşçu kəndində qeydə alınıb.. . Yerli sakin, 49 yaşlı Rasim Məsimov mübahisə zəminində atası 83 yaşlı Məsimov Müzəffər Bayram oğlunun başına çəkiclə zərbələr vuraraq onu qətlə yetirib.. . İlkin məlumata görə

22 avqust 2019

Dənizdə boğulan 17 yaşlı Zəbullanın ÜRƏKDAĞLAYAN FOTOLARI

İlbəil dənizdə batan şəxslərin sayı artır. . . Sonxeber.az Big.az-a istinadən xəbər verir ki, faciəvi şəkildə həyatını dəyişən gənclərdən biri də 17 yaşlı yaşlı Zəbulla Rəcəblidir. O 2017-ci ildə dənizdə çimərkən boğulub və dünyasını dəyişib. . . 17 yaşlı Zebulla Rəcəbli fotolarını təqdim edir:. .

22 avqust 2019

Tofiq Yaqubluya ciddi xəbərdarlıq edildi

Baş Prokurorluqda aparılmış araşdırmalarla Bakı şəhər sakini Tofiq Yaqublunun "facebook" sosial şəbəkəsində özünə məxsus səhifə vasitəsilə qəsdən və qərəzli şəkildə reallığa uyğun olmayan, vətəndaşlar arasında dövlətin həyata keçirdiyi tədbirlərə inamsızlıq yaratmağa xidmət etməklə insanları

22 avqust 2019

Bakıda küçə ticarətinə icazə verilib? – AÇIQLAMA

Küçə ticarətinə polisin icazə verməsi ilə bağlı yayılan məlumatlar uydurmadır.. . Sonxeber.az Yenicag.az-a istinadən xəbər verir ki, bu barədə Bakı Şəhər Baş Polis İdarəsi məlumat yayıb.. . "Küçə ticarəti ilə bağlı sosial şəbəkə istifadəçilərdən müraciətlər daxil olur. Açıq platformadan bir dah

22 avqust 2019

Bakıda itkin düşən qız tapıldı

İki gün əvvəl Bakının Sabunçu rayonunda itkin düşən qız tapılıb.. . Sonxeber.az xəbər verir ki, bu barədə Trend-ə itkin düşən 2004-cü il təvəllüdlü Elnarə Əliyevanın atası Vahid Əliyev bildirib. Onun sözlərinə görə, qızı əslində itməyib, sadəcə qohumlarının evinə gedib:. . "Elnarə ötən gün artı

22 avqust 2019