"Yaxşı bilirsiniz ki, küçə ticarəti qadağandır" - İcra Hakimiyyətindən AÇIQLAMA

Xəbər verdiyimiz kimi, Hövsan qəsəbəsində küçədə meyvə satan şəxs Suraxanı Rayon İcra Hakimiyyətinin əməkdaşları tərəfindən kobud rəftara məruz qalıb.

Məsələ ilə bağlı Sonxeber.az-a Suraxanı Rayon İcra Hakimiyyətinin ictimai - siyasi və humanitar məsələlər üzrə şöbəsinin baş məsləhətçisi Nazim Fətullayev açıqlama verib. O bildirib ki, əgər, maşının nömrəsi varsa, həmin adam dəymiş ziyana görə hüquq - mühafizə orqanlarına müraciət etməlidir:

"Yaxşı bilirsiniz ki, küçə ticarəti qadağandır. Əgər, küçədə hər hansı bir yeyinti, xüsusilə də tərəvəz məhsulu satılırsa, özü də bu küləyin qarşısında onu içinə nə qədər mikroblar dolur. İnanmıram ki, bizim əməkdaşlar belə iş görər".

İddialara görə, Hövsan qəsəbəsində küçədə meyvə satan vətəndaşa qarşı Suraxanı Rayon İcra Hakimiyyətinin 6 nəfər əməkdaşı tərəfindən kobud rəftar edilib. Qeyd edilir ki, şəxslərdən biri idarə etdiyi 99-SD-897 qeydiyyat nişanlı "Mitsubishi Pajero" markalı avtomobillə həmin meyvə yeşiklərini vuraraq yola aşırıb. Nəticədə satıcıya maddi ziyan dəyib.

Şəlalə Babayeva

Sözügedən görüntüləri təqdim edirik:

Telegramda izləyin

instagramda izləyin