Hava şarı göydə PARTLADI - ana və uşaq həlak oldu - VİDEO

Çinin Şandun əyalətindəki əyləncə parkında ana və 3 yaşlı övladı faciəvi şəkildə ölüb.

Sonxeber.az-ın BiG.AZ-a istinadən verdiyi xəbərə görə, hadisə yerindən kadrlar "Daily Mirror" qəzeti tərəfindən yayımlanıb.

Belə ki, oktyabrın 1-də 31 yaşlı çinli qadın üç yaşlı oğlu ilə hava şarında gəzmək qərarına gəlib. Şarla gəzintinin qiyməti giriş biletinə daxil olub. Şarla maksimum 50 metr hündürlüyə qalxmağa icazə verilib.

Kadrlardan onların şarda oturduğu, kameralara əl elədiyi görünür. Lakin qəfildən şar sürətlə yuxarı qalxır və gözdən itir.

Məlumata əsasən, daha sonra şar partlayıb və hər iki nəfər həlak olub.

Ötən həftə polis uçuşun təşkili ilə məşğul olan beş nəfəri həbs edib. Tematik parkın fəaliyyəti müvəqqəti olaraq dayandırılıb, faktla bağlı araşdırma aparılır.

Anonim mənbələrə görə, polis şarların qanunsuz fəaliyyət göstərdiyini aşkar edib.

Telegramda izləyin

instagramda izləyin