Avtobuslarda adı olub özü olmayan pulsuz "WiFi" niyə işləmir?

Avtobuslarda adı olub özü olmayan pulsuz "WiFi" niyə işləmir?
"Xaliq Faiqoğlu avtobuslarında adı olub, özü olmayan pulsuz "WiFi" xidmətində istifadə edə bilmirik".
Bununla bağlı Sonxeber.az-a çoxsaylı şikayətlər daxil olub. Belə ki, bir neçə vətəndaş şikayətində qeyd edib ki, adıçəkilən sərnişindaşıma xidmətinin avtobuslarında pulsuz "WiFi" xidməti olduğu halda internetdən istifadə edə bilmirlər. Məsələni araşdırmaq məqsədilə sözügedən şirkətlə əlaqə saxladıq. Şirkətin İT mütəxəssisi Nəimi Sadiqov bildirdi ki, artıq şirkətin də bu məsələ haqqında məlumatı var və problem axşama qədər öz həllini tapacaqdır:

"Bizə də şikayət gəlmişdi. Dünən işləməyən sistemlərin siyahısını götürmüşük. Bu gün axşam hamısı təmir olunacaq. Bu həftə ərzində hamısı tam işlək olacaq".
Nəimi Sadiqov adıçəkilən problemin səbəbini texniki olaraq dəyərləndirib:
"WiFi" aparatlarının bəziləri işləmir, bəzilərinin də nömrəsi ola bilsin xarab olsun. Üç gündür ki, bu barədə xəbərimiz var. Bizim şirkətə müraciətlər daxil olandan sonra biz də bu məsələ haqqında xəbərdar olduq".
Qeyd edək ki, 2004-cü ildən "Xaliq Faiqoğlu" adı ilə şəhərdaxili sərnişindaşıma sahəsində fəaliyyətə başlayan şirkət, 2013-cü ildən fəaliyyət sahələrini genişləndirərək "SAFA Holdinq" brendi altında yeni inkişaf mərhələsinə qədəm qoyub. Hazırda şirkətin 61, 65, 18, 85 nömrəli avtobuslarda vay-fay sistemi var.

Şəlalə Babayeva

Telegramda izləyin

instagramda izləyin