"Zorakılıq hadisəsini lentə alıb sosial şəbəkədə paylaşmaq da cinayətdir"-Elgün Səfərov

Son günlər cəmiyyətdə qadınlara qarşı zorakılıq halları artıb. Sonuncu dəfə Biləcəri qəsəbəsində baş verən ailə münaqişəsi cəmiyyətdə geniş rezonansa səbəb oldu. Qadına qarşı zorakılığın qarşısını necə almaq olar?
Məsələ ilə bağlı Sonxeber.az- a məlumat verən Ailə, Qadın və Uşaq Problemləri üzrə Dövlət Komitəsinin İnformasiya və Analitik araşdırmalar şöbəsinin müdiri Elgün Səfərov bildirib ki, qadına zorakılığa qarşı tədbirlər, maarifləndirmə işləri bütün dövlət orqanları tərəfindən aparılmalıdır:
"Ümumi olaraq Azərbaycan Respublikası üzrə qaynar xəttin yaradılması məişət zorakılığının qurbanları üçün çox vacib amildir. Bundan əlavə, var olan qanunların təmin edilməsi də burada önəmli məsələlərdəndir. Baxmayaraq ki, uşağı nigaha məcbur etmək məişət zorakılığının bir növüdür və bütün düyada olduğu kimi, ölkəmizdə də bu barədə cinayət məcəlləsinin müddəası var, lakin bu barədə bir dənə də olsun cinayət işi açılmayıb.
Elgün Səfərov onu da qeyd edib ki, ümumilikdə cinayətə qarşı yanaşma forması cəmiyyətdə münasibət dəyişilməlidir:
"Çox təəssüf olsun ki, hər hansı bir cinayət, zorakılıq hadisəsi baş verərkən bunu çəkiliş edib daha sonra sosial şəbəkələrdə paylaşırlar. Bu özü də bir cinayət növüdür. Ümumilikdə sosial şəbəkələrdə belə mövzuların müzakirə olunması ilə bağlı da tədbirlər görülməlidir".
Son bir ayda 13 qətl baş verib. Cinayət qurbanı olanlardan 9-u qadındır. Ölən qadınlardan 6-sı öz uşağı qarşısında qətlə yetrilib.
Lamiyə Məmmədova

Telegramda izləyin

instagramda izləyin