"300-ə yaxın yeni avtobuslar gətiriləcək" - Bakıətrafı yaşayan əhaliyə ŞAD XƏBƏR

Hər gün bir çox insan ictimai nəqliyyatdan istifadə edir. Gün ərzində Bakı kəndlərindən şəhərin mərkəzinə minlərlə insan hərəkət edir. Ən böyük problemlərdən biri də məhz bu istiqamətdə fəaliyyət göstərən avtobuslarda yaşanır. Avtobusların köhnə və yararsız olması sərnişinlərin haqlı narazılığına səbəb olur.
Bakı Nəqliyyat Agentliyinin mətbuat xidmətinin rəhbəri Mais Ağayev mövzu ilə əlaqədar Sonxeber.az-a açıqlama verib. O, bildirib ki, bu problemin həlli üçün hazırda işlər görülür:

"Cənab prezident tərəfindən bizim qarşımıza tapşırıqlar qoyulub ki, Bakıətrafı qəsəbə və kəndlərdə yaşayan vətəndaşlara bu səpkidə olan xidmətlər artırılsın. Prezident İlham Əliyevin müvafiq sərəncamı ilə yaxın vaxtlarda Bakıya 300-ə yaxın yeni avtobus gətiriləcək. Bu nəqliyyat vasitələrinin böyük əksəriyyəti Bakıətrafı kənd və qəsəbələrdə istifadə olunacaq".
Onun sözlərinə görə, yeni avtobuslardan istifadə Bakıətrafı kənd və qəsəbələrdə sərnişindaşıma xidmətinin keyfiyyətini yüksəldəcək:

"Bakıətrafı kənd və qəsəbələrdə nəqliyyat vasitələrinin əhaliyə göstərdiyi sərnişindaşıma xidməti şəhərin mərkəzi ilə eyni olmalıdır. Bu məsələ bizi narahat etdiyinə görə paytaxtdan kənarda sərnişindaşıma xidmətinin keyfiyyətini artırmaq üçün yeni avtobusları həmin ərazilər istiqamətində də istismara verilməsi planlaşdırılır" .

Lamiyə Məmmədova

Telegramda izləyin

instagramda izləyin