"Onlar xarici havadarlarına arxalanır, baş verənlər haqqında məllumatlandırırlar"- Millət vəkili
Xəbər verdiyimiz kimi, Milli Şura oktyabrın 19-da metronun "28 may" stansiyasının yaxınlığında qanunsuz aksiya keçirib. Oktyabrın 20-də Real TV-nin "Mirşahinin vaxtı" verilişində Bakıdakı icazəsiz mitinq haqqında danışılıb. Mir Şahin Ağayev Bakıda icazəsiz aksiyada bir çox sensasion məqama diqqət çəkib. O, mitinq keçirmək istəyənlərin cəhdinin əslində haralara gedib çıxdığını izah edib. Jurnalist bildirib ki, hər şey xaricin müdaxiləsi və müşayiəti ilə baş verir. Belə ki, Gültəkin Hacıbəyli Amerika Birləşmiş Ştatlarının Azərbaycandakı səfirliyinin əməkdaşı Uilyam Solli və Avropa İttifaqının siyasi, sosial məsələlər və ictimaiyyətlə əlaqələr şöbəsinin rəhbəri Denis Daniilidislə də əlaqə saxlayıb, vəziyyətlə bağlı onu məlumatlandırır.
Bununla bağlı Sonxeber.az-a danışan deputat Tahir Rzayev bildirib ki, müxalifət özünün xarici havadarlarına sökənir: "Onlardan müəyyən maliyyə dəstəyi alırlar. Təbii ki, bunun qarşılığında da insanları yoldan çıxarıb bu cür icazəsiz aksiyalara dəvət edirlər. Hər bir aksiya və mitinq qanun çərçivəsində olmalıdır. Onlar əsasən insanların çox olduğu yerlərdə aksiyalar təşkil edirlər. Həmin ərazi nəqiliyyatın və insanların gur olduğu yerdir. Belə yerlərdə icazəsiz aksiyalar keçirmək olmaz. Dövlət həm müxalif, həm də iqtidar düşüncəli olan hər bir Azərbaycan vətəndaşının təhlükəsizliyinə zəmanət verir. Əgər burada hər hansı bir hadisə olarsa bunu müxalifətin və ya iqtidarın etdiyini deməyəcək. Kifayət qədər Azərbaycanı istəməyən qüvvələr var. Onlar burada təxribat törədər, yüzlərlə insan ölə bilər. Ancaq müxalifət bunu nəzərə almadan çağırış edib insanları kütləvi şəkildə küçələrə dəvət edirlər. Ona görə də onlar məsuliyyətə cəlb olunmalıdırlar. Onlar niyə bu cür şəkildə qanunsuz çağırışlar edirlər?. İcazə verilən yerlərdə gedib aksiyalarını keçirsinlər. 50 nəfər aksiyada iştirak edirsə, 2000 insan oradan keçir. Bu insanlar dönüb aksiya iştirakçısına baxacaqlar. Bu da böyük bir toplantıya və nəqliyyatın iflic olmasında səbəb olur. Təbii ki, bu da yolverilməzdir".
Deputat vurğulayıb ki, metrolar müəyyən saatlarda dayandırıldı: "Onlar deyirlər ki, metro niyə dayanırıblar? Metroya minən insanlar təhlükəsiz şəkildə lazım olan ünvana getməyəcəklərsə nə etməliydik? 90-cı illərdə neçə dəfə bizim metrolar partladıldı? Onlarla insanlar və görkəmli şəxsiyyətlər öldü. Bax, buna görə onlar məsuliyyətə cəlb edilməlidir. Biz bilirik ki, onlar xarici havadarlarına arxalanır, baş verənlər haqqında məllumatlandırırlar. İstintaq orqanları onlar haqqında dəqiq araşdırma aparmalıdır. Həqiqətən xarici qüvvələr onları təhrik edirlərsə, həmin şəxslər işlədiyi dövlət orqanlarından və ölkədən çıxarılmaları ilə bağlı məsələ qaldırılmalıdır".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş