Prezidentin köməkçisi Heydər Əliyevi yad etdi

Bu gün ümummilli lider Heydər Əliyevin anım günüdür.

Azərbaycan Respublikasının Prezidenti İlham Əliyev və ailə üzvləri, Milli Məclisin deputatları, nazirlər, komitələrin, şirkətlərin və idarələrin rəhbərləri, respublika ictimaiyyətinin nümayəndələri də Fəxri xiyabana gəliblər.

Sonxeber.az-a Azərbaycan Respublikası Prezidentinin Administrasiyasının xarici əlaqələr şöbəsinin rəisi Hikmət Hacıyev açıqlama verib. O, bildirib ki, hər bir millətin və xalqın tarixində şəxsiyyətlər mühüm rol oynayır. Azərbaycan xalqının və dövlətçiliyimizin formalaşmasında və Azərbaycanın müstəqil dövlət olaraq inkişafında Heydər Əliyevin tarixi rolu və xidmətləri vardır. Xüsusən də, hələ sovet dövründə Ulu öndərin xidmətləri ilə bərabər, müstəqilliyimizin ilk illərində, çətin,keşməkeşli dövrdə Azərbaycanın müstəqilliyi ciddi təhlükə altında idi. Əldə etdiyimiz müstəqilliyi hətta itirmək təhlükəsi qarşısında idik. Həmin tarixi məqamda Azərbaycan xalqının israrlı təkidi ilə Ulu öndər Heydər Əliyevin hakimiyyətə qayıtması Azərbaycanın müstəqilliyini təmin etdi. Azərbaycan beynəlxalq münasibətlər sistemində öz layiqli yerini tutdu və elə həmin dövrdə Azərbaycanın bu gün dövlətimizin başçısı tərəfindən uğurla həyata keçirilən tarixi siyasətinin təməl prinsipləri və fundamental əsasları formalaşır ki, bu strategiya əsasında da Azərbaycan öz xarici siyasətini həyata keçirir.

Telegramda izləyin

instagramda izləyin