Ayaz Qocamanov Ağsunun kəndlərində izdihamla qarşılandı — Şəhid anası və ağsaqqallar xeyir-dua verdilər (FOTOLAR)

87 saylı Ağsu-İsmayıllı seçki dairəsindən millət vəkilliyinə iddialı namizəd Ayaz Qocamanov təşviqat prosessi çərçivəsində kəndlərdə seçiciləri ilə görüşləri davam etdirir. Ağsunun Kəndoba, Cəlayir, Cəfərli və Ağabəyli kəndlərində sakinlərlə görüşən Ayaz Qocamanovu kənd ağsaqqalları qarşılayıb, ona böyük dəstək verdiklərini açıq şəkildə bildiriblər.

Ayaz Qocamanovun seçki qərərgahından Demokrat.az-a verilən məlumata görə, seçki platforması barədə kənd sakinlərinə ətraflı məlumat verən namizəd ilk öncə ağsaqqallardan xeyir-dua alıb, daha sonra onların problemlərini dinləyib, kəndlərdəki vəziyyətlə maraqlanıb.

Ayaz Qocamanov bildirib ki, 20 Yanvar hadisələrinin 30-cu ildönümü ilə bağlı bütün təşviqat proqramlarını təxirə salıb:

"İstədim ki, təşviqata 20 Yanvar facisəinin 30-cu ildönümündən sonra başlayım. 20 Yanvar günü çoxsaylı sakinlərlərlə birlikdə rayondakı Şəhidlər Xiyabanını və 20 Yanvar abidəsini, şəhidlərimizi ziyarət etdik, dualar oxuduq. Bu bizim vətəndaşlıq borcumdur. Öncə şəhidlərimiz, daha sonra təşviqat".

Millət vəkilliyinə namizəd Ayaz Qocamanov qeyd edib ki, təşviqat çərçivəsində kənd sakinləri ilə görüşlərə start verib:

"Kəndlərdə görüşlərə ilk olaraq sizinlə başladım. Bütün kəndlərdə olacam, insanlarla tək-tək görüşüb onların problemlərini dinləyəcəm, kəndlərdəki ümumi problemlərin həlli üçün lazımı dəstək verəcəm".

Seçiciləri ilə səmimi söhbətlər edən namizəd Ayaz Qocamanov kənd ağsaqqallarının ciddi dəstəyini qazanıb, onların problemlərini dinləyib. Kənd ağsaqqalları ağsulu, böyük bir nəslin nümayəndəsi olaraq Ayaz Qocamanova inandıqlarını, ona seçkilərdə böyük etimad göstərəcəklərini dilə gətiriblər.

4 böyük kəndin sakinləri ilə görüşdə olduqca səmimi qarşılanan Ayaz Qocamanov Ağsu üçün əlindən gələn dəstəyi əsirgəməyəcəyinə söz verib.

Daha sonra Ayaz Qocamanov Qarabağ döyüşlərində şəhid olan Hüseynov Rafiq Bəhlul oğlunun anası ilə görüşüb. Şəhid anası namizədə uğurlar arzulayıb, ona dəstək verdiyini bildirib.

Namizəd üçün dualarını əsirgəməyən şəhid anası Qocamanovlar nəslinin Ağsuda hamı tərəfindən hörmətlə tanındığını deyib:

"Qocamanovlar Ağsuda hər kəsin bildiyi nəsildir. Bu nəslin nümayəndəsinin namizəd olması məni çox sevindirir. Allah yardımçın olsun!".

İddialı namizəd Ayaz Qocamanovun kəndlərdə görüşləri davam edir.

Qeyd edək ki, 87 saylı Ağsu-İsmayıllı seçki dairəsindən namizədliyi qeydə alınan Ayaz Qocamanov gənc iqtisadçıdır. Azərbaycanın Türkiyə və Rusiya ticarət əlaqələrində kiçik sahibkarlara dəstək verən tanınmış merketinq mütəxəsisidir.

Telegramda izləyin

instagramda izləyin