Rauf Arifoğlu deputat mandatından imtina edir? - AÇIQLAMA

Xətai rayon 35 saylı seçki dairəsindən deputat seçilən "Yeni Müsavat" qəzetinin baş redaktoru Rauf Arifoğlu nəticələrin ləğv edilib, yenidən seçkilərin keçirilməsini təklif edib.

Sonxeber.az xəbər verir ki, Rauf Arifoğlu bəzi şəxslərin sosial şəbəkələrdə manipulyasiya ilə məşğul olduğunu bildirib: "MSK 35-ci dairənin nəticələrini ləğv etsin, bir daha yarışaq! Sosial şəbəkədə fırtına yaradırlar. Bütün seçki boyu saxtakarlıqlara əl atanlar bizi saxta yolla seçilməkdə suçlayırlar, insanları manipulyasiya edirlər. Təmiz, halal bir qələbə qazanmışam, qəbullana bilmirlər. Araz Əlizadəni quzu kimi qəbullanmışdılar, mənim möhtəşəm qələbəmi sinirə bilmirlər. 5000 fərqlə özündən razı rəqibimi qutuda qoymuşam, qane olmurmu? Qəbul etmirmi? Mən də razıyam. Bir daha yarışaq! Bu dəfə klon namizədlər olmadan, fırıldaqlar, təxribatçı qadınlar olmadan. Heç nə dəyişməyəcək, yenə udacam. Hodri meydan, yarış yenidən başlasın!"

Telegramda izləyin