"Pərviz mənə anasının qucağında ağlayaraq son dəfə "ana" deyən uşağın videosunu atmışdı" - Kənan MM

Bu gün Xocalı soyqırımından 28 ili tamam olur. Faciənin ildönümü ilə əlaqədar bir çox məşhurlar Xocalı soyqırımı ilə bağlı paylaşım edib. Onların arasında məşhur rejissor Kənan Mahmudovun paylaşımı diqqət çəkib. Rejissorun paylaşımı "Survivor 2020 " yarışmasında iştirak edən, "Kobra" ləqəbi ilə məşhurlaşan peşəkar kikboksinq üzrə altıqat dünya çempionu, əməkdar idman ustası Pərviz Abdullayevlə bağlıdır.

Bununla bağlı Sonxeber.az-a danışan Kənan Mahmudov bildirib ki, Qarabağ yarası hər birimizindir: "Amma Pərviz o yaranın şah damarıdır. Hər zaman bu barədə söhbətlərimiz olurdu. Keçən il mən "Savaşçı" filmində oyanayan zaman Xocalı soyqırımı ilə bağlı paylaşım etmişdim. Pərviz mənə anasının qucağında ağlayaraq son dəfə "ana" deyən uşağın videosunu atmışdı. Arxasınca isə hıçqıraraq ağlayıb mənə səs göndərmişdi ki, buna necə dözüb, yaşayaq. Pərviz çox vətənpərvər oğlandır. Bizim onunla bu söhbətimiz ürəyimdə bir travma kimi qalıb. Pərvizlə mən uzun müddətdir ki, dostuq. Biz onunla eyni düşüncədə olduğumuz üçün bir-birimizi tamamlayırıq. Pərvizlə sonuncu dəfə "Survivor"da iştirakdan əvvəl danışdıq. Qaydalara görə, telefonları təhvil verirlər. Mən ona dedim ki, tək özün üçün deyil, bütün Azərbaycan üçün ordasan. O bildirdi ki, həyatda necədirsə, orada da elə olacaq. Bəzən orada onun üzərinə qışqırırlar. İnanın ki, həyatda heç kim o səs tonu ilə onunla danışa bilməz. Pərviz peşəkar idmançı olduğuna görə gücünü orada deyil, ancaq rinqdə göstərir. Yarışda ancaq xarakter, oyun göstərir. Allah yolunu açıq etsin. İnşallah qalib gələr".

Aysel Yusifqızı

Telegramda izləyin

instagramda izləyin