"Türkiyə Suriyada geri addım atmır"- Politoloq rəyi

Türkiyənin prezidenti Rəcəb Tayyib Ərdoğanın İdliblə bağlı çıxışı diqqət çəkib. O, bildirib ki, Türkiyənin Suriyada ən böyük problem hava məkanından istifadə edə bilməməsidir: "Yaxın zamanda bunun da çarəsini tapacağıq. Diplomatik kanallardan da istifadə edirik. Rejimi mütləq müəyyənləşdirdiyimiz hüdudlara geri çəkilməyə məcbur edəcəyik, Türkiyə olaraq bu məsələdə qərarlıyıq. İdlibdə geri addım atmayacağıq. Biz bu coğrafiyanın qonağı deyil, sahibiyik. Buna görə də geri addım atmayacağıq".

Bununla bağlı Sonxeber.az-a danışan "Atlas" Araşdırmalar Mərkəzinin rəhbəri Elxan Şahinoğlu bildirib ki, Türkiyə İdlibin qorunması üçün hava qüvvələrindən istifadə edə bilmir: "Çünki hava sahəsi Rusiyanın nəzarəti altındadır. Əgər Türkiyə aviyasiyası havaya qalxarsa Rusiya təyyarələri ilə toqquşa bilər. Nəticədə də bu Rusiya-Türkiyə münasibətlərini gərginləşdirə bilər. Türkiyə alternativ yollar axtarır. Müəyyən qədər də uğurları var. İdlibdə silahlı müxalifət qüvvələri Əsəd qoşunlarını bir qədər geri çəkiblər. Türkiyənin diplomatik səyyləri davam edir. Rəcəb Tayyib Ərdoğan ümid edir ki, gələn həftə Putinlə görüşündən sonra yenidən atəşkəs əldə edilə bilər. Çünki Rusiya İdlibi nəzarətə götürməkdə qərarlıdır.
Türkiyədə gerin addım atmır. İdlibi qorumaq üçün var gücü ilə diplomatik və hərbi səylərini davam etdirir".

Aysel Yusifqızı

Telegramda izləyin

instagramda izləyin