"Müəllim oynamaqla stress atmışdı" Kəmalə Ağazadədən müəllimə rəqsi ilə DƏSTƏK VİDEOSU

Xəbər verdiyimiz kimi, bir neçə gün öncə Azərbaycanda müəllimin görüntüsü yayılmışdı. Görüntülərdə müəllim sinifdə "Məsti Xumar" mahnısını qoşaraq rəqs etməsi əks olunurdu.

Gülsüm adlı həmin müəllimin məktəbdə belə addım atması sosial şəbəkələrdə qınağa səbəb oldu. Eyni zamanda həmin müəlimə dəstək olan insanlar da az olmadı. Onlardan biri cəmiyyətimizdə kifayət qədər tanınan, öz sözünü deyən Azərbaycan Uşaqlar Birliyinin sədri Kəmalə Ağazadə də var. Kəmalə xanım işlədiyi kollektivlə birgə Gülsüm müəllimə oynamağı ilə dəstək olub.

Bununla bağlı Sonxeberaz-a danışan Kəmalə Ağazadə müəllimə dəstəyini, həmrəyliyini oynamaqla bildirdiyini deyib. O, hazırda cəmiyyətdə qadına qarşı çox ciddi münasibətin olduğunu da açıqlayıb:

"Bu bir həmrəylik idi. Bu bir müəllimə, qadına, pedaqoqa dəstək idi. Halbuki, bunu çoxları etməli idi. Müəllim nə etməli idi? Dərsdən sonra summativləri hesablayarkən həddindən artıq yorulub və oynamaqla stress atmışdı. Müəllimin həmin görüntülərdə çay içməyini belə söz etmişdilər. Bundan əlavə onun Xocalıya aid şüarın qarşısında rəqs etməyini də qınadılar. Hər bir məktəbdə daimi olaraq yaddaş şüarları var".

Kəmalə Ağazadə xəbər saytlarının əksərinin çox pis başlıqlarla həmin hadisəni xəbərə çevirdiyini bildirdi. Sözügüdən hadisəyə biganə qalmadığını bildirən Kəmalə xanım belə başlıqlardan sonra kollektivlə birgə müəllimə dəstək olcağını qərarlaşdırıb:

"Həmin görüntüləri görüb kollektiv olaraq qərara gəldik ki, Gülsüm müəllimə video ilə dəstək olaq. Bunun ardınca nə qədər müəllimlər bu dəstəyə qoşuldu. Onların sırasında hətta, evlərində tək rəqs edən müəllimlər də var idi. Onsuz da müəllimlər nüfuzdan salınıb. Düşünürəm, bunu da edən cəmiyyətin özüdür".

Şəlalə Babayeva

Telegramda izləyin

instagramda izləyin