"Sahibkarlıq mühiti və ilk növbədə iri biznes bu prosesə aktiv qoşulmalıdır"-RƏY

Koronavirusun bütün dünyada yayılması kontekstində dövlət və özəl şirkətlər əhəmiyyətli itkilər verir, bütün ölkələrin iqtisadiyyatları bundan əziyyət çəkir.
Təəssüf ki, ölkəmiz də istisna olmadı. Çətinliklərə baxmayaraq, Azərbaycan Prezidenti İlham Əliyevin rəhbərlik etdiyi hökumət vətəndaşların gündəlik həyatda çətinlik yaşamaması üçün hər şeyi edir.
Bu baxımdan, təkcə dövlət qurumlarının rəhbərlərinin deyil, həm də özəl sektorun nümayəndələrinin işçilərinə münasibəti vacibdir. Bu çətin vaxtda, tabeliyinizdəki işçilərlə həmrəylik göstərmək, vəziyyətdən birlikdə çıxış yolu tapmaq və kadr ixtisarı etməməyə çalışmaq çox vacibdir.
Bu, həm böyük biznes nümayəndələrinə, həm də orta və kiçik biznes subyektlərinə aiddir.
Buna nümunə olaraq, "Azercell" şirkətinin fəaliyyətini göstərmək olar.

Mövzu ilə bağlı iqtisadçı-ekspert Elşad Məmmədov Sonxeber.az-a açıqlama verib. O, bidlrib ki, dünya iqtisadiyyatında koronavirusun mənfi təsirləri daha çox hiss olunmaqdadır:

"Bu mənfi təsirlər çox təəssüf ki, Azərbaycanda da görünür. Bu nöqteyi-nəzərdən ölkədə iqtisadi idarəetmə ilə bağlı qərarlar qəbul olunur, dövlət başçısı prezident cənab İlham Əliyev tərəfindən koronavirusla bağlı mübarizə fondu, eyni zamanda müxtəlif nazirliklərin və Mərkəzi Bankın rəhbərliyi ilə işçi qrupu da yaradılıb. 1 milyard manata yaxın vəsaitin büdcədən koronavirusla bağlı mübarizəyə ayrılması da nəzərdə tutulub. Amma sahibkarlıq mühiti və ilk növbədə iri biznes bu prosesə aktiv qoşulmalıdır. Bunun bir tərəfdən sosial mənası var, sözssüz ki, digər tərəfdən isə biznesin özü üçün də Azərbaycan iqtisadiyyatının qorunması çox önəmlidir. Unutmayaq ki, o iri biznesin özü də Azərbaycan iqtisadiyyatının dayanıqlı olmasında ciddi şəkildə maraqlı olmalıdır. Çünki, bundan özü böyük faydalar görə bilər. Bütün bunlarla yanaşı tədbirlərin yalnız maliyə ayırmaları ilə bağlı məsələlərlə məhdudlaşmasının qətii şəkildə tərəfdarı deyiləm. Çünki vəziyyət kifayət qədər mürəkkəbdir və belə olan halda biz artıq köhnə iqtisadi idarəetmə modellərinin effektiv olmayacağını proqnozlaşdıra bilərik. Ona görə də islahatlar və iqtisadi idarəetmə modeli sistemli və kompleksli olmalıdır. Bu baxımdan düşünürəm ki, mütləq şəkildə yeni iqtisadi yanaşma tətbiq olunmalıdır. Bu bir tərərfdən işguzar fəallığın azalması ilə bağlı işsizlər ordusunun yaranmaması üçün yeni iqtisadi sahələrin formalaşmasına və burada dövlətin ciddi şəkildə iştirakına zərurət yaradır. Bütövlükdə hesab edirəm ki, yeni sahələrin yaranması baxımından əgər özəl sektor o sahələrə doğru gedəcəksə, orada ciddi vergi imtiyazları olmalı, dövlət müəyyən infrastruktur yaratmalıdır. Bununla yanaşı bu sahələrin, istiqamətlərin yaradılmasında dövlətin xüsusi rolu olmalıdır.

Ümumiyyətlə dövlətin iqtisadiyyatda iştirakının artırılmasına ciddi ehtiyac yaranır. Belə olan halda dövlətin iqtisadiyyatda rolu mütləq artırılmalıdır. Dövlət strateji planlaşdırmaya söykənən iqtisadi siyasət həyata keçirməlidir və bir çox sahələrdə dövlətin iştirakı kritik dərəcədə artmalıdır. Çünki, bütövlükdə buna ehtiyac var idi amma indiki halda isə buna ehtiyac dəfələrlə artır. Bir şeyi bilmək lazımdır ki, yeni şəraitdə köhnə idarəetmə üsulları ilə iqtisadi idarəetmənin təşkil edilməsi effekt vermiyəcək. Dövlətin yeni strateji planlaşdırmaya söykənən yeni iqtisadi idarəetmə sistemi işlənib hazırlanmalıdır".

Fəridə Ağazadə

Telegramda izləyin

instagramda izləyin