Koronavirusdan ən çox mənfi təsirə məruz qalan 12 fəaliyyət sahəsi müəyyən edilib

Koronavirusdan ən çox mənfi təsirə məruz qalan 12 fəaliyyət sahəsi müəyyən edilibKoronavirus (COVID-19) pandemiyasının, həmçinin dünya enerji və səhm bazarlarında baş verən kəskin dalğalanmaların milli iqtisadiyyata mənfi təsirlərinin qiymətləndirilməsi, pandemiyadan zərər çəkməsi ehtimal olunan iqtisadi fəaliyyət sahələrinin müəyyən edilməsi, yaranmış vəziyyətin yaxın və orta müddətlərdə ölkənin biznes mühitinə mənfi təsirinin azaldılması məqsədilə müvafiq təkliflərin hazırlanması üçün yaradılmış İşçi Qrupun iclası keçirilib.

"Report"un İqtisadiyyat Nazirliyinə istinadən verdiyi məlumata görə, iclas videokonfrans formatında aparılıb.

İşçi qrupun rəhbəri, İqtisadiyyat naziri Mikayıl Cabbarov pandemiyanın qarşısının alınması istiqamətində Azərbaycan Prezidenti İlham Əliyevin rəhbərliyi ilə həyata keçirilən təxirəsalınmaz tədbirlər barədə məlumat verib. Nazir qeyd edib ki, yaranmış şəraitdə milli iqtisadiyyata bır sıra faktorlar təsir edir. Bu, pandemiyanın bilavasitə təsiri altında dünya iqtisadiyyatında və xarici ticarət əlaqələrində müşahidə olunan durğunluq, dünya enerji bazarlarında neftin qiymətlərində kəskin dalğalanmalar, həmçinin pandemiyanın yayılmasının qarşısının alınması məqsədilə həyata keçirilən məhdudlaşdırıcı tədbirlərlə bağlı iqtisadi fəallığın azalmasıdır. Bütün bu amillər bir sıra iqtisadi fəaliyyət sahələrində özünü daha qabarıq göstərir.

Nazir mövcud şəraitdə pandemiyadan ən çox zərər çəkən fəaliyyət sahələrinin, o cümlədən iqtisadi artımı və məşğulluğu formalaşdıran əsas sahələrin müəyyənləşdirilməsi, ölkənin iqtisadi və maliyyə dayanıqlığının gücləndirilməsi, dövlət tərəfindən atıla biləcək addımların və dəstək tədbirlərinin istiqamətlərinin dəqiqləşdirilməsi üçün qısa müddət ərzində İşçi Qrupun intensiv və böyük həcmdə iş aparmalı olduğunu diqqətə çatdırıb. İlkin mərhələdə ən çox mənfi təsirə məruz qalan turizm, hotelçilik, ictimai iaşə, əyləncə, nəqliyyat, ticarət və s. kimi ümumilikdə təxminən 12 fəaliyyət sahəsi müəyyən edilib.

İqtisadiyyat naziri vurğulayıb ki, dövlət çevik və operativ qərarlar qəbul etməyə hazırdır. Bununla belə, zərər çəkən fəaliyyət sahələrinin dəqiq müəyyən edilməsi üçün, ilk növbədə, aydın və şəffaf qiymətləndirmə meyarları hazırlanmalıdır. Bu meyarlar həm sahəvi, həm də subyektlər üzrə ümumi və spesifik xarakter daşıya bilər.

Videokonfransda ayrı-ayrı sahələrdə yaranmış vəziyyət müzakirə edilib, müxtəlif təkliflər səsləndirilib. Qeyd olunub ki, dəymiş zərərin qiymətləndirilməsi üçün sahibkarlıq subyektlərinin hesabatları və dövlət qurumlarında olan göstəricilərin dərin təhlilinə zərurət var. Bu, həmçinin mart ayı üzrə təqdim ediləcək maliyyə hesabatlarının təhlili ilə müəyyən ediləcək. Hazırda İqtisadiyyat Nazirliyinin bütün strukturları biznes subyektləri, orta və iri biznes, sahibkarların ictimai birlikləri və ixtisaslaşmış assosiasiyalarla görüşlər keçirir.

Müzakirələrdə bildirilib ki, Azərbaycan hökuməti dəstək tədbirlərinin müəyyən edilməsi zamanı, həmçinin yaranmış şəraitdə dövlətin çağırışlarına adekvat cavab verən, iş yerlərinin və əmək haqqı fondunun azalmasına yol verməyən, fəaliyyətini şəffaf quran və sosial məsuliyyət nümayiş etdirən hüquqi şəxslərə və sahibkarlara üstünlük verəcək.

Ölkədə iqtisadi artımın davam etməsinə dəstək göstərilməsi kompleks tədbirlər sistemini əhatə edəcək. Bu, iqtisadiyyatda likvidliyin təmin edilməsi, sahibkarlara vergi güzəştləri və tətillərinin verilməsi, dövlət kreditləşdirmə resurslarının əlçatanlığının asanlaşdırılması, maliyyə bazarlarının sabitliyinin qorunması, ünvanlı dövlət sifarişləri sisteminin tətbiqi və s. kimi istiqamətləri əhatə edəcək.

İclasda qeyd olunub ki, dövlət ölkə vətəndaşlarının sağlamlığının qorunması, əhalinin təhlükəsizliyinin təmin edilməsi məqsədilə qısa müddətdə iqtisadiyyatın daralmasına səbəb ola biləcək iqtisadi aktivliyin azaldılması kimi məcburi addımlara gedəcək. Dövlət bu prosesi qarşılamağa hazırdır və yaranmış şəraiti, həmçinin, pandemiyanın yayılmasının qarşısının alınmasından sonra iqtisadiyyatın yeni bir inkişaf xətti olaraq görməkdədir. Daxili tələbatı ödəyən və xarici idxalı əvəzləyən istehsal və emal sahələrinin, bu istiqamətlərdə yeni istehsalın qurulması təşviq ediləcək.

İşçi Qrupun üzvlərinə zərər çəkən sahələrin müəyyən edilməsi üçün 3 gün ərzində zəruri meyarlara və tətbiq ediləcək vahid yanaşma metodikasına dair təkliflərin hazırlanması tapşırılıb.

Qeyd edək ki, İşçi Qrupun üzvləri sırasına Maliyyə, Əmək və Əhalinin Sosial Müdafiəsi, Kənd Təsərrüfatı, Mədəniyyət, Energetika, Nəqliyyat, Rabitə və Yüksək Texnologiyalar, Ekologiya və Təbii Sərvətlər nazirlərinin müavinləri, Qida Təhlükəsizliyi Agentliyi, Dövlət Turizm Agentliyi, Dövlət Gömrük Komitəsi, Dövlət Statistika Komitəsi, Mərkəzi Bank və digər mərkəzi icra hakimiyyəti orqanlarının rəhbər şəxsləri və sahibkarların ictimai birliklərinin nümayəndələri daxildir.


Sonxeber.az
Sosial   Baxılıb: 3233   Tarix: 25 mart 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Koronavirus səthdə 17 gün yaşayırmış

Yaponiyada karantinə alınan kruiz gəmisi "Diamond Princess"in kayutlarında sərnişinlərin nəqliyyat vasitəsini tərk etməsindən iki həftə sonra koronavirusun izlərinə rast gəlinib.. . "HaberGlobal"ın məlumatına görə, ABŞ Xəstəliklərə Nəzarət və Müdafiə Mərkəzindən bu barədə açıqlam

25 mart

Çində koronavirusa yoluxanların sayı azaldı

Çində ötən gün ərzində koronavirusa 47 nəfər yoluxub.. . TASS xəbər verir ki, onların hamısı ölkəyə xaricdən gələn insanlardır.. . . Çində hazırda 474 virusa yoluxma faktı var.. . Ölkə ərazisində 73 700 insan koronavirusdan sağalıb. Onların 491-i ötən gün evlərinə buraxılıb.

25 mart

Koronavirusun yeni ehtimal olunan episentri açıqlandı

Koronavirusun yeni ehtimal olunan episentri açıqlanıb.. . "South China Morning Post"un məlumatına görə, bu barədə Ümumdünya Səhiyyə Təşkilatının nümayəndəsi Marqaret Harris açıqlama verib.. . Onun sözlərinə görə, bu, ABŞ ola bilər:. . "Hazırda ABŞ-da yoluxanların sayında sürətli artı

25 mart

Bu ölkədə vizasız qalan azərbaycanlılara müraciət edildi

Azərbaycanın Almaniyadakı səfirliyi bu ölkədə vizasız qalan şəxslərə müraciət edib.. . Məlumatda bildirilir ki, yaşayış icazəsi, yaxud milli vizanın ("D" vizası) müddəti bitən, eləcə də Almaniyada vizasız qalan üçüncü ölkələrin vətəndaşları (məsələn, azərbaycanlılar - red.) yaşayış icazələrinin/vizaları

25 mart

Temperatur və rütubətin artması koronavirusa son qoyacaq

Çinli alimlərin apardığı araşdırmalara əsasən, havanın temperaturunun və rütubətin artması ilə koronavirusun yayılması azalacaq.. . Bu barədə "Hürriyet" yazıb.. . . Alimlər qeyd edirlər ki, havanın temperaturunun bir dərəcə artması belə virusun yayılma riskini azaldacaq. Lakin risk sıfıra enməyəcək

25 mart

BNA Koronavirusla Mübarizəyə Dəstək Fonduna 200 min manat ianə edib

Bakı Nəqliyyat Agentliyi Koronavirusla Mübarizəyə Dəstək Fonduna 200 min manat məbləğində ianə edib.. . "Report"un Agentliyə istinadən verdiyi məlumata görə, həmçinin xüsusi rejimli xəstəxanalarda xidmət edən 120 nəfər tibb işçisinin ailələrinə 200 azn-lik hədiyyə kartı verilib. Bu kart vasitəs

25 mart

Bitki çaylarının faydası

Bitki çaylarının insan orqanizminə faydası çoxdan sübut olunub və ona görə də hər onlardan faydalanmağa çalışır. Bitkilərdən dəmlənmiş çayların içilməsi immuniteti gücləndirir, artıq çəkidən qoruyur, eyni zamanda, bəzi ağrıların aradan qalxmasına kömək edir.. . Axşam.az bitki çaylarının xüsusiyyətlərin

25 mart

Özbəkistanda yeni koronavirusa yoluxma halları aşkarlanıb

Özbəkistanda daha 5 nəfərdə yeni növ koronavirus aşkar edilib.. . "Report" "RİA Novosti"yə istinadən xəbər verir ki, bu barədə Özbəkistan Səhiyyə Nazirliyinin mətbuat xidməti məlumat yayıb.. . Nazirliyinin məlumatına görə, martın 15-də Fransadan qayıdan qadına respublikada ilk dəf

25 mart

Gürcüstanda koronavirusa yoluxanların sayı artdı

Gürcüstanda koronavirus yoluxma hallarının sayı 73-ə çatıb.. . "Report"un yerli bürosu xəbər verir ki, bu barədə Gürcüstan hökumətinin koronavirusla bağlı yaratdığı xüsusi rəsmi saytda bildirilib.. . Koronavirusa yoluxanların 9-u tam sağalıb.. . Hazırda karantində 4 055, stasionar nəzarətd

25 mart