"Azərbaycan digər cinahda erməni virusu ilə də mübarizə aparır"-RƏY
"Azərbaycan dövləti hər iki virusla mübarizəyə hazırdır".
Bunu Sonxeber.az-a açıqlamasında politoloq Şəbnəm Həsənova deyib.
Politoloq qeyd edib ki, dünya yeni bir problemlə sınağa çəkilir: "Bu gün insanlığı və bəşəriyyəti narahat edən ortaq problemin koronovirus olduğu halda, bu azmış kimi Azərbaycan üstəlik digər cinahda erməni virusu ilə də mübarizə aparır. Hazırda Azərbaycanda koronovirus infeksiyasına qarşı effektiv mübarizə aparıldığı bir vaxtda, hər tərəfli blokada vəziyyətində olan Ermənistanda bu virusa yoluxanların sayı artmaqdadır. Onsuz da iqtisadiyyatı iflic vəziyyətində olan Ermənistan bu problem ilə mübarizə aparmaq iqtidarında deyil. Lakin düşmən ölkənin özü üçün təəssüfedici məqam ondan ibarətdir ki, belə çətin günlərdə belə mənfur əməllərindən qalmır və sərhəddə təxribata əl atır.
Martın 12-də Ermənistanın müdafiə naziri David Toroyan İrəvanda ATƏT sədrinin xüsusi nümayəndəsi Anjey Kasprşiki qəbul edərkən sərhəddə atəşkəsin intensiv şəkildə pozulmasından narahat olduğunu ifadə etmiş və görüşdə Kasprşikdən xahiş etmişdir ki, Azərbaycan-Ermənistan sərhəddi boyunca atəşkəsə riayət olunmasına nəzarət etsin. Eyni zamanda BMT-nin Baş Katibi də dünya dövlətlərinə koronavirus infeksiyası ilə mübarizə çərçivəsində qlobal atəşkəslə əlaqədar çağırış etmişdir. Lakin bütün bunlara baxmayaraq Ermənistan yenə ikiüzlü siyasət yürüdərək vəziyyətdən istifadə etmiş, özünü yenə dırnaq arası "sülh carçısı" kimi qələmə verərək erməni xalqının müharibə istəmədiyini, atəşkəsin Azərbaycan tərəfindən pozulduğunu iddia etdiyi halda növbəti təxribata əl atmışdır. Belə ki, Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 24 dəfə pozublar. Lakin Azərbaycan ordusu bu çətin günlərdə belə silahı əlindən yerə qoymaraq istənilən təxribata hazır olduqlarını nümayiş etdirərək düşmənin mənfur əməlinin qarşısını almağa müvəffəq oldular. Yalnız İrandan asılı vəziyyətdə olub blokadada yaşayan Ermənistan bu ölkə ilə COVİD-19 virusuna görə sərhədlərinin bağlandığı və tamamilə aciz duruma düşdüyü bir məqamda hər addımını ciddi ölçüb-biçməlidir. Çünki Azərbaycan ordusu istənilən təxribatın qarşısını almağa hazırdır. Azərbaycan bu çətin günlərdə müharibə istəmir. Lakin əgər Ermənistan ordusu atəşkəsi pozacaq və Azərbaycan tərəfi şəhid verəcəksə o zaman Ermənistan tərəfi bilməlidir ki, Azərbaycan ordusu cavab verib işğalçı ölkəni itki verməyə məcbur edəcək".
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş