"Aprel Zəfəri Azərbaycan ordusunun dünyanın ən güclü ordularından biri olduğunu bir daha sübut etdi"- DEPUTAT

Azərbaycan ordusunun şanlı Aprel zəfərindən 4 il ötür. Aprel döyüşlərdə Azərbaycan ordusunun 90 igid oğlu qəhrəmancasına şəhid olub.

Bununla bağlı Sonxeber.az-a danışan Ceyhun Məmmədov bildirib ki, Azərbaycan ordusunun şanlı Aprel zəfərindən 4 il ötür: "Bu döyüşlərdə Azərbaycan ordusunun 90 igid və qəhrəman oğlu böyük şücaət nümayiş etdirərək şəhid oldu. Azərbaycan xalqı onların qəhrəmanlıqlarını heç zaman unutmayacaq, hər zaman ehtiramla və qürurla yad edəcək. Allah bütün şəhidlərimizə rəhmət etsin. Aprel döyüşləri xalqımızın illər ötməsinə baxmayaraq torpaq itkisi ilə heç zaman barışmayacağını, mübarizlik ruhununu ölmədiyini, döyüşə hər zaman hazır olduğunu, Azərbaycan ordusunun dünyanın ən güclü ordularından biri olduğunu bir daha sübut etdi. Aprel zəfərindən sonar işğaldan azad olunan ərazilərdə yüksək bərpa və quruculuq işləri həyata keçirildi. Cəbrayıl rayonunun Cocuq Mərcanlı kəndində yüksək təmir və bərpa işləri aparılıb, yeni qəsəbə salınıb, Şuşa məscidinin bənzəri olan məscid inşa olunub. Ata-baba yurdlarından didərgin salınan insanlar öz yurdlarına geri dönüblər. Bu gün o bölgədə həyat qaynayır. Azərbaycan bu gün düşmənlə bütün sahələrdə mübarizə və müharibə aparır. Bu mübarizənin önündə Azərbaycan Respublikasının Prezidenti cənab İlham Əliyev gedir. Bu mübarizədə hər birimiz fəal olmalı, birlik və həmrəylik nümayiş etdirməliyik".

Aysel Yusifqızı

Telegramda izləyin