Baş agrısının dermansız həlli- Bunları bilmək faydalıdı

Baş ağrısı zamanı dərhal dərmanlara əl atmayın. Bəzi qida məhsulları baş ağrıları zamanı sizə çox yaxşı kömək edə bilər. Atmosfer təzyiqinin, havanın dəyişilməsi, hətta tam sağlam insanlarda baş ağrılarına səbəb olur. Ancaq baş ağrısı zamanı dərhal dərmanlara əl atmayın. Bəzi qida məhsulları baş ağrıları zamanı sizə çox yaxşı kömək edə bilər. Sonxeber.az azadqadin.az-a istinadən həmin qidaları təqdim edir:

1. Kartof
Təəccüblənməyin, adi kartof həqiqətən baş ağrısını azaldır. Kartof kalium maddəsi ilə zəngindir. Məhz bu maddə baş ağrıları zamanı kömək edir. Kartofu bişmiş halda yemək lazımdır.

2. Balqabaq tumu
Bu tumlar digər baş ağrılarını azaldan mineralla — maqneziumla zəngindir. Bundan əlavə, balqabaqda beynin fəaliyyətini yaxşılaşdıran sink və fosfor mineralları da var.

3. Badam
Badam da maqneziumla zəngindir. Həmçinin badamda B2 vitamini var. Həkimlər bu vitamini miqren zamanı qəbul etməyi tövsiyə edirlər.

4. Küncüt
Kalsium və bir çox digər faydalı maddələrlə zəngin olan küncüt baş ağrıları zamanı yaxşı kömək edir.

5. Yağlı balıq
Omeqa 3 yağlı turşular və D vitamini ilə zəngin olan balıq xroniki baş ağrıları zamanı çox yaxşı kömək edir.

6. Zəncəfil
İltihabəleyhinə və antihistamin təsirlərə malik olan zəncəfil baş ağrılarını azaldır. Əgər siz baş ağrıları və ya miqren tutmasının yaxınlaşmasını hiss edirsinizsə, 1 fincan zəncəfil çayı qəbul edin.

7. Acı istiot (çili)
Kapsaisin alkaloidlə zəngin olan acı istiot baş ağrılarının intensivliyini azaldır.

8. Kofein
Qəhvənin və qara çayın tərkibində olan bu maddə baş ağrılarını azaldır. Bir çox ağrısızlaşdıran dərmanların tərkibində kofein maddəsi olur. Lakin çoxlu miqdarda qəhvə və çay içən insanlarda kofein, əksinə, baş ağrılarına gətirib çıxarda bilər.

9. Qarpız
Su, kalium və maqneziumla zəngin olan bu nəhəng giləmeyvə baş ağrıları zamanı yaxşı kömək edir.

10. Adi su
Bir çox hallarda adi susuzlaşma baş ağrısına səbəb olur. Baş ağrısının ilk simptomlarında 1 stəkan təmiz su için.

Telegramda izləyin

instagramda izləyin