Bakı sakininin evindən külli miqdarda pul oğurlandı

Bakının Nizami rayonunda mənzildən oğurluq edilib.

Bu barədə Oxu.Az-a ərazi üzrə Polis Şöbəsindən məlumat verilib.

Naməlum şəxslər Elşən Süleymanov küçəsində yaşayan 1989-cu il təvəllüdlü iş adamı Rüstəm Gülmalıyevin evindən 52 000 ABŞ dolları (88 400 manat) oğurlayıblar. Zərərçəkmişin dediyinə görə, qarətçilər evə zirzəminin pəncərəsindən giriblər.

R.Gülmalıyev mayın 26-dan 27-dək evdə olmadığını deyib. Oğurluq bu müddətdə edilib.

Hazırda polis əməkdaşları tərəfindən fakt araşdırılır. Şübhəlilərin şəxsiyyəti hələ müəyyən edilməyib.

Hüquq-mühafizə orqanlarından verilən məlumata görə, son bir gündə paytaxtda 30 oğurluq faktı qeydə alınıb.

Telegramda izləyin

instagramda izləyin