Sahibə Qafarova: "Su problemi bütün rayonların problemidir"

"Burada dəfələrlə deputat həmkarlarım və mən təmsil etdiyimiz rayonların su problemini qaldırmışıq".

Sonxeber.az xəbər verir ki, bunu Milli Məclisin bu gün keçirilən iclasında cari məsələlərin müzakirəsi zamanı deputat Səməd Seyidov deyib.
O bildirib ki, Qənirə Paşayeva, Ramil Həsən, Jalə Əliyeva təmsil etdikləri rayonlarda olan suvarma problemindən danışdılar: "Mənim təmsil etdiyim Qazax rayonununda da bu problem var. Vətəndaşların ən çox müraciət etdiyi problemlər suvarma ilə bağlıdır. Aidiyyəti qurumları bu məsələni həll etməyə çağırıram. Artıq "Azersu"ya biz müraciət etmişik".
Spiker Sahibə Qafarova bildirib ki, su problemi bütün rayonların problemidir: "Bu mənim təmsil etdiyim Şəmkir rayonunda da var. Bununla bağlı biz işlər görəcəyik".

Aysel Yusifqızı

Telegramda izləyin

instagramda izləyin